Nader tot GodVoorbeeld

Lees: Jeremia 29:12-14, Jakobus 4:8

SOAP: Jakobus 4:8

 As sondige mense het ons twee keuses: óf om van God af weg te hardloop (as gevolg van ons sonde en skaamte) óf om nader aan Hom te beweeg. Ons aard is om te weg te hardloop en weg te kruip, en dis wat ons vyand hoop ons sal doen. Om tot God te nader, moet ons ons ware identiteit as sy kinders verstaan, ook sy identiteit as 'n goeie Vader. Hy belowe dat as ons na Hom toe kom, Hy tot ons sal nader. Hy stel Homself beskikbaar aan ons; kom ons aanvaar sy uitnodiging en nader tot Hom.

Wat sal "nader tot Hom" vandag vir jou beteken? Is daar iets wat jou daarvan weerhou om jou hemelse Vader te benader? Bely. Bekeer. Vra Hom om jou skuld en skaamte weg te neem. Jy is sy geliefde kind. Hy wag met ope arms op jou.

Here, dankie dat ons deur Christus tot U kan nader. Mag die leuens van Satan onthul word deur die waarheid van u woord. Ons is ewig dankbaar vir die vergewing van ons sonde en dat ons burgers van die koninkryk van die lig kan wees! Amen.