Mams het Vernuwing NodigVoorbeeld

Oefen

As mamma's het ons soveel klein, onbeduidende verantwoordelikhede wat ons heeldag in verskillende rigtings trek, dat ons kan sukkel om 'n balans te vind tussen wat ons moet doen, en wat ons wil doen. Ons moet die babadoek nagaan, die telefoon antwoord, 'n wiskundigeprobleem oplos, iets wat gestort het opvee en die elektriese rekening betaal, alles op dieselfde oomblik. Ons kies een en dan die volgende, terwyl ons heeltyd vorentoe beur en hoop ons is wys. Minuut na minuut, dag in en dag uit. Skuifel, trap, skuifel.

Ek het in 'n vorige oordenking gepraat oor die probleme wat jy ondervind en die planne wat jy sal moet maak om daarby te kom, maar wanneer die tyd aanbreek om daardie planne te implementeer, is dit een oomblik op 'n slag.

Jy wen nie 'n oorlog in een reuse ontploffing nie. Jy veg 'n klein stryd, wen of verloor, hou aan, berei voor vir die volgende, word beter daarmee, en probeer weer, totdat jy terugkyk na meer oorwinnings as verliese en besef hoe ver jy gekom het.

Hierdie vyf-stap formule sal jou aan die gang kry om daardie irriterende situasies om te keer in iets wat 'n vreugdevolle herinnering sal skep.

1) Haal diep asem
2) Bid en loof
3) Delf deur jou sak toertjies
4) Neem 'n geloofstree
5) Herhaal indien nodig