7 Dae Om 'n Meer Vrygewige Persoon Te WordVoorbeeld

Die seëninge van 'n vrygewige lewe.

Rentmeesterskap, skenking en vrygewigheid is nie sinonieme nie. Rentmeesterskap is 'n rol, skenking is 'n aksie en vrygewigheid is 'n houding. — Dave Briggs

Bogenoemde aanhaling verduidelik regtig die verhouding tussen rentmeesterskap, skenking en vrygewigheid. Ons is rentmeesters wat gee met 'n vrygewige gees. Wanneer ons dit doen, sal ons lewens so volgemaak word dat ons nie in staat sal wees om die seëninge te keer nie. Om egter vrygewig te wees met die doel om iets daaruit te kry, is nooit waaroor dit gaan nie. Ons besluit nie om van ons geld, tyd of bemoediging te gee om iets daaruit te ontvang nie. Die seëninge wat ons van God ontvang wanneer ons ons lewens leef om vir ander tot seën te wees, kan egter nie geïgnoreer word nie. 

As jy op die internet gaan soek vir maniere waarop vrygewigheid 'n gewer se lewe verander, sal jy oorvloedige studies vind wat wys dat dit beslis voordelig is. Daar is studies wat wys dat, om vrygewig te wees, 'n mens se bloeddruk verlaag, angs verminder, huwelike beter maak, ons lewens verleng en ons net oor die algemeen gelukkiger maak. (*) Selde word iemand arm of ongelukkig deur vrygewig te leef. Dit wérk net nie so nie. 

Miskien is die rede vir hierdie voordeligheid van ons donasies die feit dat ons nie op onsself gefokus is nie. Wanneer ons konsentreer op ons eie kwessies, stryde en uitdagings, veroorsaak dit by ons innerlike onrus, wat op een of ander manier in ons lewens sal manifesteer. 

Selfs in tye van persoonlike skaarste, kan vrygewigheid teenwoordig wees. Die feit is, dis in tye wanneer ons dink dat ons nie veel het om te gee nie, dat ons groei in ons vrygewigheid, omdat ons kies om te gee. In moeilike tye is dit maklik om professionele ontvangers te word. Kom ons word eerder professionele gewers. Om ons harte te kan sien verander van 'n "skaarste" mentaliteit na 'n "oorvloedigheid" mentaliteit, moet ons ons gedagtes van onsself af wegneem en ander in gedagte hou. Dit is die mees effektiewe manier om vrygewigheid in ons harte te laat groei.

Jesus het gesê: "Dit is meer geseënd om te gee as om te ontvang." Mag ons elke dag wakker word met harte en gedagtes vol dankbaarheid vir wat God in ons lewens gedoen het en in ruil daarvoor op die uitkyk wees vir geleenthede om opofferings te maak tot iemand anders se voordeel. 

Dit is hoe 'n mens vrygewig lewe.

Oordink

• Beskou jy jouself as 'n vrygewige persoon? 
• Watter stappe moet jy vandag doen om in staat te wees om 'n lewe van vrygewigheid te lei?

 (*) Bron: https://michaelhyatt.com/habit-of-generosity/