Laai die Bybeltoep afWoorde Maak SaakVoorbeeld
Lees: Spreuke 17:27, Prediker 5:2, Matteus 12:36-37, Jakobus 3:4-12
SOAP: Matteus 12:36-37
Een van die woorde wat my beter beskryf het voordat ek 'n Christen geword het, was 'ongefiltreer'. Ek sou enigiets vir iemand sê. Nou, na jare se harde werk van die Heilige Gees, begin ek te leer hoe om my tong in bedwang te hou.
Al die verse vandag verwys na dieselfde waarheid: as jy jou woorde in bedwang hou, sal jy wys wees. Matteus 12:36-37 herinner ons daaraan dat ons rekenskap sal gee van elke onbedagsame woord wat ons gesê het. Iedere onbedagsame woord. Hierdie verse verwys na “ledige woorde” en “klein praatjies.” Hulle waarsku ons teen daardie oomblikke in ons gesprek waar ons ons ware karakter openbaar deur ons onbedagsame woorde.
Ek weet nie van jou nie, maar ek het baie woorde wat ek vir niemand moes gesê het nie. Ons moet begin om die dinge wat ons sê, te filtreer en ons monde te hou. Dus, maak van hierdie dag af seker dat elke woord tel. Moenie jou woorde mors nie. Wees wys!
Hemelse Vader, vergewe my asseblief vir die ledige woorde wat ek uitgespreek het. Help my om wys te wees en die woorde wat ek sê te beheer. In Jesus se naam, amen.
Aangaande hierdie leesplan
In hierdie studie gaan ons in God se Woord delf en leer wat Hy sê oor die woorde wat ons teenoor onsself en ander spreek en woorde wat die wêreld verander. Ons sal leer om God en ander te eer met ons woorde. Ons bid dat hierdie studie vir ons diepe insig sal gee oor hoe ons woorde kan spreek wat lewe gee en lewens verander.
More
Ons wil graag vir Love God Greatly Afrikaans bedank vir hierdie plan. Vir meer inligting, besoek gerus: http://www.lovegodgreatly.com
