Waarom Paasfees?Voorbeeld

Vryheid van wat? 

Jesus het met sy bloed aan die kruis, die losprys betaal om ons vry te laat.

Vryheid van skuld

Of ons skuldig voel of nie, ons is almal skuldig voor God as gevolg van die vele kere wat ons sy wette in denke, woorde en dade verbreek het. Net soos wanneer iemand 'n misdaad pleeg en daar 'n boete betaal moet word, so is daar ook 'n boete vir die oortreding van God se wet. "Die loon van die sonde is die dood" (Romeine 6:23).

Die resultaat van die dinge wat ons verkeerd doen, is om geestelike dood te wees — om vir ewig van God afgesny te word. Ons verdien almal om hierdie straf te kry. Aan die kruis het Jesus die straf in ons plek gedra, sodat ons heeltemal vergewe en ons skuld weggeneem kon word.

Vryheid van verslawing

Jesus het gesê dat "elkeen wat sondig, 'n slaaf van sonde is" (Johannes 8:34). Jesus het gesterf om ons van daardie slawerny te bevry. Aan die kruis is die krag van hierdie verslawing verbreek. Alhoewel ons steeds van tyd tot tyd mag val, word die krag van hierdie verslawing verbreek wanneer Jesus ons vrymaak. 

Vryheid van vrees

Jesus het gekom om "deur sy dood dié een wat mag het oor die dood — dit is die duiwel — te vernietig en om hulle wat uit vrees vir die dood hulle hele lewe lank in slawerny was, te bevry" (Hebreërs 2:14 -15). Ons hoef nie meer die dood te vrees nie.

Die dood is nie die einde vir diegene vir wie Jesus vrygemaak het nie. Inteendeel, dit is die poort na die hemel, waar ons vry sal wees van selfs die teenwoordigheid van sonde. Toe Jesus ons van die vrees vir die dood bevry het, het Hy ons ook van alle ander vrees bevry.