Laai die Bybeltoep afHoe om die Bybel te Bestudeer (Grondslag)Voorbeeld
Waarom Bybelstudie Saak Maak
Dit is onmoontlik om God te ken sonder om die Bybel te ken.
Ek onthou die eerste keer toe ek hierdie woorde gehoor het. Ek was 'n jong Christen, gretig om die regte keuses te maak, om my hart na die regte dinge te lei. Ek het geweet dat God my lewe kon verander en wou Hom intiem leer ken.
Hoe is Hy werklik? Wat wil Hy van my hê? Hoekom is ek hier?
Oor die volgende dekade het ek dit my doelwit gemaak om die Bybel so goed te leer ken as wat ek kon, om God daardeur innig te leer ken. Hierdie besluit het my op 'n pad gelei wat al my verwagtinge oortref het.
Hierdie kort oordenking is 'n inleiding tot 'n paar van die mees bruikbare insigte waarby ek oor die afgelope dekade afgekom het. Jy sal die tegnieke, hulpmiddels en strategieë ontdek wat dit moontlik sal maak om die meeste uit jou leestyd te kry. Jy sal ook die aanmoediging kry om te glo, om jou Bybel te ken en elke greintjie werk wat dit verg werd is, want die beloning is God self.
Aanvaar die uitdaging en leer hoe om jou Bybelondervinding te herskep van 'n blote taak na 'n noodsaaklike gewoonte. God wag vir jou om Hom beter te leer ken. Hy het die uitnodiging gerig. Wat volgende gebeur hang van jou af.
Aangaande hierdie leesplan
Dit is maklik om oorweldig, swak toegerus en verlore te voel wanneer dit kom by die Woord van God. My doel is om die Bybelstudieproses vir jou te vereenvoudig deur jou bekend te stel aan drie van die belangrikste beginsels van suksesvolle Bybelstudie. Sluit by hierdie leesplan aan, en ontdek vandag nog hoe om die Bybel te lees, nie net ter wille van inligting nie, maar as 'n lewensveranderende ervaring!
More
