Verlosser - Die Belofte VervulVoorbeeld

Lees: Jesaja 11:1-10, Matteus 1:5-6

SOAP: Jesaja 11:1

Ek is lief om te sien hoe die Ou- en Nuwe Testament inmekaar verweef is, en daar is geen beter manier om dit te ervaar as om profesieë te bestudeer nie. Ek weet dat profesieë soms moeilik kan wees om te verstaan, maar as jy vandag se Skrif gelees het, sal jy sien hoe die profesie wat in Jesaja gedeel is, vervul is in Jesus (waarvan ons in Matteus lees).

Die Messias moes kom uit die stam van Isai, Koning Dawid se pa. Daar was geen ander manier nie. Slegs uit die stam van Juda. Slegs uit die geslag van Dawid. Hy moes Jesaja se profesie vervul, en Jesus het. Hy het dit volkome vervul.

Het jy besef hoe vandag se verse, wat duisende jare voor Jesus se geboorte geskryf is, sy bediening op aarde beskryf? Jesaja praat van Jesus se wysheid en begrip, sy raad en mag, sy kennis en vrees van die Here. Hy beskryf hoe Jesus regverdig was om te oordeel, hoe Hy in belang van die sagmoediges staan. Dit gee my hoendervleis!

Hemelse Vader, ek is verwonderd om te sien hoe U alles bymekaar hou. Dankie dat U my met die vervulling van Jesaja se profesie 'n blik gee op u Voorsienigheid en Soewereiniteit. Help my om te onthou hoe u beloftes altyd waar word. Amen.

Mini uitdaging: Lees die hele geslagsregister van Jesus wat in Matteus 1 gevind word hardop. Bestudeer die besonderhede van naderby - die name, watter vroue genoem word, en enigiets anders wat vir jou uitstaan.