Wilde Lewe — Begin Werklik LeweVoorbeeld

Begin om God Regtig Te Ken

Ongeveer agt jaar gelede het ek in 'n leë huis met 'n gelaaide, oorgehaalde .45 kaliber pistool in my mond gesit. Ek het tot God uitgeroep omdat ek nie meer wou lewe nie, maar ek was bang om dood te gaan. Oor die afgelope 15 jaar van my huwelik het ek verskeie buite-egtelike verhoudinge gehad en 'n verslawing aan pornografie, wat alles aan die lig gekom het. Ek was besig om alles en almal te verloor. Dit het gevoel asof ek nie nog een dag kon oorleef nie.

Met my vinger op die sneller en trane wat oor my gesig stroom, het ek 'n stil stem in my siel hierdie eenvoudige vraag hoor vra: "Is Ek genoeg?" Ek het geantwoord: "U was nie." God het weer liefdevol gevra, “Is Ek genoeg selfs nou terwyl jy alles verloor het? Jou goed, jou reputasie en selfs jou gesin? Is Ek genoeg?” 

Met die pistool se staal smaak in my mond, het ek uiteindelik geantwoord ... “Ja, Vader. U is genoeg.” Hy het sagkens geantwoord: “Kom ons beweeg dan saam vorentoe."

Kort na daardie ervaring het God my gehelp om drastiese veranderinge in my lewe te begin maak. Ek het by 'n groep vir mans aangesluit waar ek 'n groot risiko geneem het om heeltemal oop en eerlik te wees oor my verlede en my huidige stryd. Ek het myself daagliks in God se waarheid verdiep, en ek het God om hulp begin vra, in plaas daarvan om voortdurend op myself te vertrou. Ek het ook 'n Christelike berader gekry wat vir my en my vrou gehelp het om met die proses van herstel te begin. Laastens het ek diep, innerlike genesing vir myself by 'n toevlugsoord vir mans gesoek.  

Agt jaar later is my lewe amper ongelooflik. Ek en my vrou is nog saam, en help eintlik gereeld ander paartjies om hul huwelike na buite-egtelike verhoudinge te herbou. Dieselfde groep mans hou my steeds verantwoordbaar en het my beste vriende geword. Na 'n suksesvolle loopbaan in finansiële dienste, het ek 'n skrikwekkende verlaging in my salaris aanvaar om in voltydse bediening te gaan en toevlugsoorde begin skep soos die een wat my gehelp het. Hierdie dinge het nie dadelik gebeur nie, maar dit het alles begin, en word onderhou deur te glo dat God vir my genoeg is. Glo my — God is werklik genoeg. Dit is nie net oulike Christelike woorde nie. Vir my is dit 'n lewenswyse.

Trey, kenner van God

Kyk na vandag se video

Bid: Vader, help my om werklik te glo U is genoeg. U is die bron van my krag, vertroue en hoop. U alleen is genoeg.