Bid Vir Jou Olifant - Bid Moedige GebedeVoorbeeld

Verborge Skat

In Jakobus 4:2 staan: "... Julle kry nie, omdat julle nie bid nie." Om hierdie Skrifgedeelte te verduidelik, moet ek 'n verhaaltjie vertel. Daar was 'n seuntjie wat oor die hemel gedroom het. In die droom neem God hom na 'n kamer toe. In die kamer is daar verskeie materiële besittings soos motors, huise en ander goed wat 'n mens daagliks nodig het. Daar was ook vreemde dinge soos oë, bene, hande en voete in die kamer. Hulle het in groot hope in die hoeke van die vertrek gelê. Die seuntjie wou weet wat dit alles beteken. God antwoord toe: "Dit is al die antwoorde op gebede wat nooit gebid is nie."

Al is dit 'n fiktiewe verhaaltjie, het dit nogtans 'n diepgaande boodskap. Die morele les in die verhaal is korrek volgens die Skrif. Mense het nie al die dinge wat God vir hulle wou gee nie, omdat hulle nooit daarvoor gevra het nie.

God se antwoord op gebede wat nooit gebid is nie, is net soos skatte wat op die bodem van die see lê en verborge en verlore is. Wat van jou? Lê sommige skatte vir jou lewe saam met die Spaanse seilskepe op die bodem van jou lewensoseaan en wag om deur gebed opgediep te word? Verbeur jy sekere dinge wat God vir jou wil gee, net omdat jy nooit daarvoor gevra het nie?