Fondamentstene van Verlossing - Jesus Is Groter Reeks #3Voorbeeld

Fondamentsteen 2: Geloof In God   

Gedagtes oor die Woord

1. Berou oor dooie werke

2. Geloof in God.

Hierdie twee is soos klere — ons trek sommige klere uit en trek ander aan (ons trek nie die vuil klere uit en vergeet om skones aan te trek nie!). As jy nie die skoon klere aantrek nie, dan hou jy die vuil klere aan.

Geloof in God.

Jou geloof is gebaseer op die beloftes van God wat jy ken. Jou geloof in God kan groei as jy sy beloftes ken en daaraan vashou. As jy net een belofte van God ken, dan kan jy net 'n "een-belofte-geloof" hê. As jy honderd beloftes uit die Woord van God ken, dan kan jou geloof so groot word soos 'n "honderd-belofte-geloof". Wat kan dit bemagtig om so groot te groei? Deur die beloftes te ken en dit styf vas te hou.

Ek onthou dit so — "Wanneer God vir jou reën belowe, vat jy 'n sambreel saam met jou."

Ons doen drie dinge:

· Ken God se beloftes

· Vertrou Hom om sy beloftes na te kom

· Hou altyd aan sy beloftes vas!

Gebed

Vader, ons leer om U te vertrou terwyl ons aan u beloftes vashou — en U is getrou om dit na te kom. Help ons vandag om meer en meer van u wonderlike beloftes te leer terwyl ons u Woord lees. Help my om daaraan vas te hou en dit nooit los te laat nie.

Vader, help ons om nuwe volgelinge ook van hierdie beloftes te leer. Leer hulle ook om daaraan vas te hou en te glo dat U vandag net so getrou u beloftes nakom soos in die verlede. Ons lees van u getrouheid aan Israel en die beloftes wat U deur Moses aan hulle gegee het — dit moedig ons aan om aan U vas te hou. Ons lees van die wonderlike beloftes wat Petrus noem en dra dit na aan ons harte. Ons vertrou U om dit ook aan ons na te kom. In die Naam van Jesus. Amen.