God Se Plan Vir Jou LeweVoorbeeld

Moenie dat vrees jou keer nie.

Dit is moontlik dat 'n aantal groot gebeurtenisse vir jou wag. Om 'n graad te kry. Om met universiteit te begin. 'n Loopbaan. Grootmens-goed. 'n Mens kan maklik oorweldig voel — trouens, jy voel dalk dat jy glad nie weet wat jy doen nie! 

Joshua was in dieselfde posisie. In die Bybel was Moses die enigste werklike leier wat die Israeliete ooit gehad het. Hy was basies die beste leier ooit. Joshua was Moses se assistent. Toe Moses sterf, val die volle verantwoordelikheid om die Israeliete te lei, op Joshua. Dit klink soos baie druk, nê?!

Wanneer God egter vir Josua instruksies gee, sê Hy by drie verskillende geleenthede: 

"Wees sterk en moedig."

God het geweet dat 'n groot taak op Josua wag. Hy het geweet dat Joshua waarskynlik angsbevange was. God het egter ook geweet dat Hy 'n plan met Josua gehad het en dat Hy by hom sou wees. Dit is hoekom Josua sterk en moedig kon wees — hy het geweet dat God aan sy kant is. 

Wat regtig gaaf is: God is ook by jou. Hy wil hê dat jy ook, net soos Josua, sterk en moedig moet wees wanneer jy hierdie nuwe fase van jou lewe betree. 

Dit maak nie saak of jy beangs is of jy jou graad sal ontvang, om jou universiteitsloopbaan te begin, 'n nuwe werk te begin, hoe jy onverwagte terugslae sal hanteer en of jy eenvoudig onseker is oor die toekoms nie, God is by jou. Soos op Dag 1 bespreek kan ons, al kry ons nie die volledige plan voor die tyd nie, God vertrou met ons toekoms, want ons weet dat sy planne altyd beter as ons eie is. 

Laastens, weet dat God vir jou omgee en dat sy liefde vir jou alle verstand te bowe gaan. Ongeag waarmee jy in die lewe gekonfronteer word, God sal jou nie verlaat nie. Die lewe verander, maar God verander nooit, en so ook nie sy liefde vir ons nie. Onthou dus: God se plan is dalk nie altyd vir ons duidelik nie, maar dit is altyd beter as enigiets waarvoor jy kan vra of wat jy vir jouself kan voorstel. Wanneer jy dit waarlik weet en verstaan — is jy gereed vir enigiets. 

Vir nog gratis hulpbronne oor soortgelyke onderwerpe, besoek www.finds.life.church