Die Huwelik

Romantiese Afsprake

Egskeiding

Seks

Vriendskappe

Hoe om Tieners Groot te Maak

Hoe om Jong Kinders Groot te Maak

Hierdie leesplan sluit sewe daaglikse oordenkings in. Dit is gebaseer op Louie Giglio se studieplan “Relat(able): Making Relationships Work”. In hierdie leesplan gaan ons uitvind hoe ons aanklank vind by ander mense, hoe God vrede skep in 'n tyd van stryd, en hoe ons kan help om gebroke verhoudings wat skynbaar onherstelbaar is, te herstel.

Hoe Om Verhoudings Te Laat Werk

Dit lyk asof daar oral waar jy kyk verhoudings is. Of jy nou in 'n verhouding is, of wag vir een, of gelukkig enkellopend is, ons kan almal werk aan die gemene deler in ons verhoudings — onsself. In hierdie 5-dag leesplan sal ons kyk na wat dit beteken om afspraak-materiaal te wees — en jy mag dalk verras wees.

Afspraak-materiaal

Verhoudinge

As volgelinge van Jesus glo ons dat God liefde is, maar baie keer is ons vermoë om ander lief te hê 'n uitdaging. Miskien is dit omdat liefde nie net 'n gevoel of sterk emosie is nie. Liefde is 'n Persoon. Gaan op 'n reis deur 1 Korintiërs 13 en ontdek die Persoon van liefde en hoe ons deur Hom, ander beter lief kan hê.

Liefde Is 'n Persoon

Het jy al ooit die huwelik oorweeg? Het jy al ooit gewonder of jou verhouding is wat God vir jou wil hê? Het jy al ooit gevoel dat om enkellopend te wees net 'n laaste uitweg is? Lees verder om uit te vind wat die Bybel oor hierdie belangrike lewenstydperk te sê het.

Verhoudings van die Koninkryk – 'n Leesplan oor die Huwelik, Romantiese Verhoudings en Enkellopendes

In hierdie studie sal ons jou lei deur 'n verhoudingsreis wat die 12 noodsaaklike maniere dek om Liefde Te Bou Wat Hou.     

12 Dae Om Liefde Te Bou Wat Hou

Die huwelik is ontwerp as die naaste moontlike verhouding van toenemende intimiteit en onderlinge afhanklikheid, maar dit gebeur nie vanself nie. Ons moet aanhoudend daaraan werk om aan ons huwelik verbind te bly. Hierdie 7-dag leesplan wat aangepas is uit "The Marriage Course" geskryf deur Nicky and Sila Lee, het ten doel om vir jou die hulpmiddele te gee om 'n gesonde huwelik te bou en julle verbintenis te versterk — of te herstel as julle voel of julle dit verloor het.

Die Huwelikskursus

Wanneer jy gedurigdeur herhinner word aan die beloftes wat voor God en sy mense gemaak is, word die erns van jou verbintenis herhaaldelik opgeroep. Dit gebeur so maklik dat die beloftes wat voor die predikant op die huweliksdag gemaak word agterweë bly by die onthaal. So of jy nou reeds voor die kansel gestaan het of nog op pad is, is hierdie plan vir jou.

Huweliksbeloftes 

Om werklik lief te wees vir ’n ander onvolmaakte mens is nie net ’n romantiese gevoel nie, maar ’n daaglikse keuse. Wat moet jy egter doen om daagliks liefde te gee en te ontvang? Hierdie 7-dag leesplan bied vars perspektiewe en dieper studie deur vrae vir nadenke en uitdagings. Of jou huwelik aan ’n draadjie hang, of sterk en gesond is – hierdie reis is vir julle! 


WAAG DIT! Om lief te hê

Jy het die voorreg en verantwoordelikheid om elke dag vir jou man of vrou te bid. Hierdie 10 gebede deur Stormie Omartian uit KRAGTIGE GEBEDE OM JOU HUWELIK TE VERRYK sal vir jou op jou eie of vir julle saam ’n wegspringplek wees om te bid vir belangrike kwessies in julle huwelik.

Kragtige Gebede Om Jou Huwelik Te Verryk

Het jy 'n hupstoot in jou huwelik nodig? Raak verdiep in die Skrif en mekaar vir 31 opeenvolgende dae en kyk hoe Jesus verskyn!

Hernuwe Jou Huwelik in 31 Dae

Ken jy daardie paartjies wat lyk of hulle werklik floreer? Die gelukkiges nog steeds vreeslik verlief ná dekades? Soos dit blyk, is daardie soort huwelik nie net vir 'n paar uitgesoektes bedoel nie. Die gesondste huwelike deel 'n vernuwingsgeheim: doelbewuste ritmes. Chris en Jenni Graebe nooi jou om te ontdek wat daardie kernritmes is en die resultate wat dit op jou verhoudings kan hê terwyl jy dit beoefen. 

Ons Ritme

Ons is uit liefde geskape, vir liefde geskape en is geroepe om in God se liefde te leef. Hierdie leesplan, gebaseer op die boek "Love Slows Down," sal jou help om woede en angs te verruil en jou te haas na die lewe in God se liefde. 

Liefde Vertraag Gejaagdheid

Daar is nie iets soos die perfekte huwelik nie, want die huwelik is die samevoeging van twee onvolmaakte mense. Met God se hulp kan jy egter 'n wonderlike huwelik hê – nie deur Hom te vra om jou huweliksmaat te verander nie, maar deur Hom te vra om in jou hart werk. Hierdie 5-dag leesplan sal jou help om genesing, vrede en vertroue in Christus te vind sodat jy jou huweliksmaat kan liefhê en jou huwelik kan herskep.

Lewe Veranderd: Binne die Huwelik

Met opregte liefde kan jy gesondheid en genesing in elke verhouding bring. Pastoor Dave Willis deel die “Sewe Wette van Liefde” wat in die Woord gevind word en bied praktiese raad oor hoe om liefde in aksie te laat oorgaan. Soos wat jy 'n beter begrip kry en liefde in die praktyk uitleef, sal jy die skoonheid van opregte liefde op nuwe en wonderbaarlike maniere ervaar. 

Sewe Wette van Liefde

God het mans so geskape om die leidende dienaars van hul huise/huwelike te wees. Hy moet sy vrou en kinders lei op dieselfde manier as wat Christus die kerk gelei het. Wanneer mans God nie as hulle Here en Verlosser ken nie, kan hulle nie deur Christus se voorbeeld lei nie. Hierdie toewyding sal sewe effektiewe gebede verskaf wat vrouens vir hul ongeredde mans kan bid sodat hulle tot die kennis van God se waarheid kan kom.

Sewe Doeltreffende Gebede vir Ongeredde Mans

Was jy al ooit in 'n spesifieke situasie waar jy onseker was wat God se wil daarin is?

In hierdie 3-dag leesplan verken ons hoe ons kan uitvind wat sy wil oor die algemeen asook sy wil, spesifiek vir ons lewens is.

Om die Wil van God te Verstaan

In God se plan is die huwelik ontwerp dat twee mense, man en vrou, een word. Hulle kies om die lewe op ’n dieper vlak met mekaar te deel as met enigiemand anders. Hierdie intimiteit behels alle aspekte van die lewe. In hierdie sewe oordenkings uit "5 TALE VAN DIE LIEFDE – OORDENKINGS VIR PAARTJIES" help Gary Chapman paartjies om te bou aan die intimiteit in hulle belangrikste verhouding.

En Hulle Sal Een Wees …

Te veel mense, selfs Christene, het probeer om die huwelik, hierdie verhoudingstelsel wat God ontwerp het, op hul eie te hanteer. Die huwelik was nooit bedoel om moeilik, ellendig of hartseer te wees nie, eintlik presies die teenoorgestelde. Vir paartjies om werklik die huwelik volgens God se bedoeling te ervaar, moet hulle Hom insluit. In hierdie leesplan neem Treal Ravenel jou op 'n reis hoe om die huwelik te beleef soos God dit beoog het.

Vrouens wat Wen: Hoe om Volgens God se Manier in Jou Huwelik te Wen

Ons almal beleef soms konflik, maar dit is HOE ons dit hanteer wat saak maak. Hierdie leesplan gaan jou uitdaag om konflik in jou huwelik te hanteer deur die beste keuses vir julle verhouding te maak. Jy het meer verantwoordelikheid as wat jy besef, en jy is tot meer in staat as wat jy dink. Is jy gereed om te bou aan ’n suksesvolle huwelik?

Keuses wat suksesvolle paartjies maak

Of jy jou huwelik wil beskerm teen dié dinge wat dit kan beskadig of vernietig en of jy jou verhouding wil heelmaak en herstel waar dit beskadig of seergemaak is, hierdie gebede is vir jou. As jy nie moed opgee nie, kan jou gelowige gebede jou huwelik versterk sodat dit ’n leeftyd sal hou. Hierdie 5 gebede deur Stormie Omartian kom uit KRAGTIGE GEBEDE OM JOU HUWELIK TE VERRYK.

Ek Bid Vir My Huwelik

Jy kan `n wonderlike huwelik hê. Die keuses van vandag bepaal watter tipe huwelik jy môre sal hê. Pastoor Craig Groeschel, blitsverkoper skrywer van die New York Times, en sy vrou Amy, wys jou hoe vyf toewydings jou kan help om jou huwelik teen mislukking te beskerm: Soek God; stry regverdig; hê pret; bly eerbaar; en moet nooit moed opgee nie. Begin nou en kry die huwelik wat jy nog altyd wou hê — van hierdie dag vorentoe.

Craig & Amy Groechel se Van Hierdie Dag Af Aan

Die koms van 'n baba verander alles. Dit is asof hierdie klein lewe die nuwe swaartepunt word wat die res van jou heelal in sy wentelbaan intrek. Dit is moeilik om jouself voor te berei op iets so onbekend soos die koms van 'n pasgeborene. Berei prakties en geestelik voor om te verseker dat jy gedurende een van die mooiste, maar ook moeilikste tydperke van jou lewe gedy, en dit ten volle geniet.

'n Ouer se Gids tot 'n Nuwe Baba: Lyding en Selfsorg

Om hul geloof te laat vaar, is 'n pynlik diep en algemene probleem wat onder millenniërs voorkom. Selfs sommige wat in sterk Christelike gesinne grootgeword het, stap van hul geloof af weg. Deskundige apologete en outeurs, Alex McFarland en Jason Jimenez, hanteer hierdie nuwe werklikheid met deernis aan ouers wat belas en alleen voel. Hulle deel statistieke, verhale en praktiese maniere hoe ouers hul kinders kan beïnvloed en help om hulle huistoe te lei. 

Hoe Om Jou Millenniër Te Help Om Na Geloof Terug Te Keer

Of julle verhouding sterk of sukkelend is, stabiel of uitdagend, hierdie oordenkings sal julle bemoedig en hernude vreugde in mekaar laat vind. Die boublokke van die huwelik – dinge soos goeie kommunikasie – vorm die basis van enige romantiese verhouding en wanneer twee mense aan mekaar toegewy is, vind positiewe verandering plaas. Hierdie leesplan is saamgestel uit 5 TALE VAN DIE LIEFDE – OORDENKINGS VIR PAARTJIES deur Gary Chapman.

5 tale van die liefde

Jy hoef nie die "perfekte" of "ideale" man te wees om 'n man van God te wees nie. Die volgende oordenkings deur Dr. Charles Stanley beskryf die sewe karaktereienskappe van die geestelike man. Deur dié karaktereienskappe te verstaan en uit te leef, kan jy die man van God, eggenoot en pa word wat jy nog altyd bedoel was om te wees. 

Man van God

'n Sterk en gesonde huwelik gebeur nie net toevallig nie. Die sleutel tot die huwelik waarvan jy nog altyd gedroom het, is om doelgerig te wees. In hierdie 5-dag leesplan gaan ons verskeie onderwerpe bespreek wat jou sal help om die proses te begin om doelgerig te wees met jou eggenoot sodat jou huwelik kan wees wat jy nog altyd wou hê.

Wees Doelgerig In Jou Huwelik

Sterk huwelike ontwikkel nie sommer net outomaties nie. Ons hoop dat julle die gesindhede, waardes en gewoontes sal ontdek wat nodig is om 'n gesonde en sterk huwelik te bou wat 'n leeftyd sal hou. Hierdie 5-dag leesplan is aangepas uit die voorhuwelikse kursus, geskep deur Nicky en Sila Lee, skrywers van "The Marriage Book".

Die Voorhuwelikse Kursus

Nog steeds enkellopend, alhoewel jy dalk eerder getroud wil wees? Lisa Anderson, gasheer van die "Boundless-potgooi" is ook enkellopend. In haar tipiese humorgevulde styl, bied sy goeie Bybelse insigte en bemoediging wat uit haar nuwe boek, "The Dating Manifesto", kom.

Die Manifes vir Romantiese Afsprake

God haat nie romantiese afsprake nie, maar Hy het 'n mening oor verhoudings. Hy haat nie romantiese afspraak-toepassings nie, maar Hy wil hê jy moet wys wees hoe jy na liefde soek. Verken wat God dink oor die plekke waarheen jy gaan, met wie jy uitgaan, hoe jy jou gedra en wat jy op jou romantiese afsprake doen om seker te maak dat jy daarvoor gereed is en dit vir die regte redes doen, op 'n wyse wat God vereer en verheerlik.

God en Romantiese Afsprake: Gedagtes oor Verhoudinge. 

Om uit te gaan en te trou is waarskynlik die onderwerpe waaroor daar die meeste gepraat word onder jong mense en selfs volwassenes. Dit maak sin, aangesien om 'n lewensmaat te kies die tweede belangrikste besluit is, na jou besluit om Christus te volg, wat jy ooit in jou lewe sal neem. In hierdie leesplan, sal jy ontdek hoe om op God se manier met iemand uit te gaan en sal jy 'n paar sleutel beginsels leer van 'n suksesvolle verhouding.

Enkellopend, Gereed om te Meng

In hierdie Life.Church leesplan skryf ses paartjies oor troubeloftes wat hulle nooit amptelik by die kansel vir mekaar gesê het nie. Hierdie beloftes van voorbereiding, prioriteit, nastrewe, vennootskap, reinheid en gebed is die beloftes wat huwelike lank ná die huwelikseremonie nog laat werk. Of jy nou getroud is of net daaraan dink, dit is tyd om die belofte af te lê.  

Die Belofte

Joel en Luke Smalbone van die groep KING & COUNTRY deel hulle harte oor die verlore kuns van ridderlikheid en vier 'n vrou se waarde. Die 5-dag leesplan is geïnspireer deur die film PRICELESS, 'n liefdesverhaal, drama en riller, en sluit 'n daaglikse video van die groep sowel as 'n oordenking met vrae in om daaroor as 'n groep of individueel na te dink. 

KOSBAAR — Respek en Eer

Hoe sou dit wees as ons nie aan ons prestasies gemeet word nie, maar bemagtig word deur ons verhoudings? Deur verfrissende verhale onthul die skrywer, Roger Thomas, hoe 'n groot rol verhoudings daarin speel om 'n man te vorm. Begin vandag hierdie Life.Church leesplan saam met vriende.

Verhoudingsraad Vir Mans

Romantiese afsprake . . . wek hierdie frase angstigheid of opwinding in jou hart? Met al die tegnologiese maniere waarop ons deesdae met mekaar kan kontak maak, wil dit voorkom of afsprake meer ingewikkeld, verwarrend en frustrerend as tevore is. Ben Stuart sal jou met hierdie 7-dag leesplan help om te sien dat God 'n doel met hierdie seisoene in jou lewe het: enkellopend, afsprake, verloof, getroud. Hy gee jou riglyne om jou te help bepaal met wie jy moet uitgaan en hoe om afsprake aan te pak. Ben is die pastoor van Passion City Church, Washington, DC en voorheen uitvoerende hoof van Breakaway Ministries, 'n weeklikse Bybelstudie wat deur duisende universiteit studente op die kampus van Texas A&M bygewoon word. 

Romantiese Afsprake In Die Moderne Era

Daardie perfekte verhouding wat jy so een beeld op ‘n slag bewonder, mag dalk glad nie so benydenswaardig wees in die regte lewe nie. Is dit nie so nie? Watter tipe verhoudingsdoelwitte werk dan regtig? Hierdie Life.Church leesplan, geskryf deur mense wat wissel van enkellopend tot pasgetroud tot lank getroud, sal die tipe liefde wat God vir alle verhoudings kan bied, uitlig.

Verhoudingsdoelwitte

Of jy nou met iemand uitgaan, enkellopend, of al vir tien jaar getroud is, dit kan ons almal goed doen om 'n bietjie Bybelse wysheid vir ons romantiese verhoudinge te kry. Laat God direk met jou vrae oor uitgaan en verhoudinge praat. Jy mag jou dalk verbaas oor hoeveel Hy te sê het.

Wat Van Uitgaan?

Geneem uit hul boek " Getting Ready for Marriage", sluit aan by verhoudingskenners Jim Burns en Doug Fields terwyl hulle jou help om nou te begin beplan vir jou blywende verbintenis. Finansies, skoonouers, kommunikasie, vergifnis, seksuele verwagtings, geen onderwerp is buite perke wanneer jy en jou verloofde gereedmaak om van verlowing na 'n lewenslange verbond met mekaar te tree.

Maak Gereed vir die Huwelik

Die lewe as 'n enkellopende Christen is goed. Ongeag wat mense dink, is dit nie 'n siekte om enkellopend te wees nie. Enkellopend is nie 'n plan B nie. Enkellopend is God se geskenk aan elke enkellopende Christen. In hierdie 14-dag leesplan, wat gebaseer is op die boek Thrive van Lina AbuJamra, word enkellopende Christene uitgedaag om te floreer in hulle lewens wat God hulle hier op aarde gegee het. 

Floreer: 'n 14-Dag Oordenking Vir Enkellopendes

As jy vir #RelationshipGoals op sosiale media soek, kry jy heel moontlik beelde van perfekte verliefde paartjies. Hoe nou gemaak as daardie beeld van 'n verhouding net 'n hersenskim is van wat die samelewing voorhou? Pastoor Michael Todd het hierdie boek geskryf: "Relationship Goals: How to Win at Dating, Marriage, and Sex", oor hoe om verhoudingsdoelwitte te hê wat van God af kom en wat in lyn is met wie Hy ons gemaak het om te wees. 

Is jy moeg vir romantiese afsprake wat misluk of op 'n ramp uitloop en jou teleurstel? Hierdie vyf-dag leesplan pak die bul by die horings en gee vir jou 'n praktiese plan wat jou sal help om 'n gesonde en genotvolle afspraak te hê. Die leesplan deel beproefde beginsels en wenke met jou, wat regdeur jou verhoudingsreis toegepas kan word.

Romantiese Afsprake: Perke, Seks en Realiteit

Wat moet ons doen wanneer dit lyk of ons drome buite bereik of selfs verpletter is? Nadat ek mishandeling en trauma oorkom het, asook die hartseer van 'n egskeiding, kom ek herhaalde kere voor hierdie vraag te staan. Of jy die verwoesting van 'n tragedie of verlies ervaar het, of die frustrasie van 'n lang wagtydperk, God se droom vir jou lewe is nog lewendig! Vriend, dit is tyd om weer te droom.

Drome wat Herleef

As dit by egskeiding kom, is God verreweg die enigste antwoord om volkome genesing te bereik. Deur hierdie leesplan deur te gaan, sal jy nader aan God beweeg, terwyl jy wysheid sal bekom oor hoe om jou emosies en gevoelens te hanteer gedurende hierdie vreeslike moeilike tyd. Sou jy kies om die 31 dae te herhaal, sal jy jou vordering kan opmerk, terwyl God verder aanhou om jou wonde te genees en jou beter berusting te laat vind. 

Egskeiding tot Genesing: 31 Dae van Genesing en Heelwording

Die seisoene kom en gaan: winter, lente, somer, herfs. Die seisoene van die huwelik werk ook op dié manier. Verhoudings is nie staties nie, maar in ’n konstante staat van verandering en voortdurend aan die beweeg van een seisoen na ’n ander. Gary Chapman moedig paartjies in hierdie leesplan uit 5 TALE VAN DIE LIEFDE – OORDENKINGS VIR PAARTJIES aan om die beste van elke seisoen te maak.

Seisoene Van Die Huwelik

Egskeiding bedroef die hart van God. Hy haat dit om ons in pyn te sien en waar ons aan skuld, skaamte en vrees vashou. Ten spyte van ons foute, verlang Hy daarna dat ons sy genade moet aanvaar en weet dat ons gewaardeer, gekoester en onvervangbaar is. Ongeag jou omstandighede, hierdie leesplan sal jou help om genesing na jou egskeiding te vind, sodat jy die verloste lewe kan leef wat God vir jou het — een vol hoop, vreugde en doelgerigtheid.

Lewe Veranderd: Na Egskeiding

Die meeste van ons weet dat die huwelik nie altyd 'n wittebrood is nie, maar niemand is voorbereid op 'n huwelikskrisis nie. Ongelukkig bedreig diep wonde, buite-egtelike verhoudings, verslawing en egskeiding soveel huwelike. Daar is egter goeie nuus: dit maak nie saak watter krisis jou in die gesig staar nie, in Christus is daar steeds hoop. Wil jy meer hiervan weet? Begin hierdie hoopgevulde leesplan deur finds.life.church.

Huwelikskrisis

'n Huwelik is harde werk. Dinge verloop egter nie altyd so glad as wat ons hoop nie. As jy in jou huwelik worstel as gevolg van verraad, of jare se verwaarlosing, kan jy steeds jou huwelik red. Hierdie leesplan is slegs sewe dae lank, maar vir meer inspirasie kan jy Cindy se boek "Rebuilding A Marriage Better Than New" lees.

Herbou 'n Huwelik Beter As Nuut

Het jy iemand wat jy liefhet deur die dood, 'n egskeiding of ander tragedie verloor? In Liefde en Verlies, lei Chuck en Ashley Elliott lesers om oor hul reis na te dink, om ongesiene eienskappe van droefheid te identifiseer en verlig die stappe om 'n nuwe raamwerk vir hul lewens te skep en hul lewens te herbou onderwyl hulle na die Skrif as bron van hoop en rigtinggewing verwys. 



Liefde en Verlies

God wil hê jy en jou huweliksmaat moet ’n wonderlike, vervullende huwelik hê – om beste maats, passievolle liefdesmaats en geestelike sielsmaats te wees. Twyfel jy of so ’n huwelik selfs moontlik is? God verseker ons dit is moontlik! Dít was sy ontwerp. In hierdie 5-dag leesplan kyk Chip Ingram na Efesiërs 5 en deel hoe paartjies die vervulling waarna ons almal smag, kan vind.

’n Huwelik wat werk

Tydens egskeiding, asook ander baie moeilike tye, kom daar 'n oomblik wanneer jy sal wonder of jy dit ooit sal maak. In die volgende 7 dae, sal dit vir jou moontlik wees om met God kontak te maak deur gebed, advies en planne van aksie. Leer om nie net te oorleef nie, maar om te oorleef en te floreer.

Van Egskeiding na Genesing: Oorleef en Floreer

Dis nie 'n leesplan om jou oor die kole te haal nie, ook nie om te sê jy moet harder probeer of jou lewe in orde kry nie. Die Vry van Pornografie leesplan, sal jou vanaf jou huidige omstandighede, versigtig en met genade en waarheid tot vryheid lei.

Vry van Pornografie - John Bevere

Pornografie is 'n gevegsterrein met baie slagoffers wat gebroke lewens en verhoudings insluit. Dit sny ons van die werklikheid af en beïnvloed ons verwagtinge oor seks en liefde op 'n negatiewe manier. Dit aktiveer veranderinge in jou liggaam wat verslawend en skadelik word. Dit kan lei tot ander sonde, maar die ergste van alles is, dit laat ons van God se liefde af wegbeweeg. God wil jou help om bevryding te vind van die patroon van wellus, skuldgevoelens en gebreekte beloftes. 

VRYMAKING Van Pornografie Vir Mans

Seks. Daar steek meer in as: "Wag totdat jy getroud is!" Wat gebeur sodra jy getroud is? Watter vryhede het jy? Sê nou jy is getroud en seks werk nie? Wat sê die Bybel en wat sê dit nie daaroor nie? Vir antwoorde op hierdie vrae en meer, begin met hierdie leesplan van finds.life.church.

Wanneer iemand ons vra of ons in seks voor die huwelik glo, reageer ons met 'n “ja en nee”. Dit klink aanvanklik na 'n verwarrende antwoord, maar dit skep die geleentheid om 'n baie belangrike punt te maak. God bevestig ons seksualiteit as menslike wesens en ons kan nie skielik geslagloos word nie. As gevolg daarvan, glo ons in seksualiteit voor die huwelik. Ons volg hierdie stelling egter onmiddellik op deur te sê dat die seksdaad voor die huwelik teen God se beginsels is. 

Hoe om seks vir die huwelik te hou.

Geldhanteerders by die tesourie, leer om vervalste banknote te identifiseer deur die ingewikkelde patrone wat op die egte geldeenhede voorkom te bestudeer. Net so begin die begrip van die gebrokenheid van seksuele sonde by God se ontwerp vir opregte seksuele intimiteit. Die heiligheid van menslike seksualiteit oortref die liggaamlike daad. Dit weerspieël die heiligheid van God, sy verhouding in die Drie-eenheid en sy begeerte om jou liggaam, siel en verstand gelykvormig te maak aan die beeld van Christus.

God se Ontwerp vir Seks

Hoe kan ons leer om soos Jesus te leef as ons nie eerstens soos Hy liefhet nie? Lees saam met Life.Church personeel en huweliksmaats terwyl hulle die ondervindinge en Skrifgedeeltes deel wat hulle inspireer om voluit te leef en Soos Jesus Lief te Hê.

Om Soos Jesus Lief te Hê

Dit is geen geheim dat hulle wat die naaste aan ons is, ons ook die diepste kan seermaak nie. Terwyl ons woedend is oor die verraad, bou ons mure om ons harte om ons teen sulke hartseer te beskerm. Tog is dit juis hierdie mure wat verhoed dat ons weer hoop sien, genesing ontvang en weer geliefd voel. Dit is tyd dat jy jou mure afbreek, jou wonde verbind, gebroke verhoudings herstel en die krag van 'n geopende hart ontdek.

Om Lief Te Hê Asof Jy Nog Nooit Seergekry Het Nie — Deur Jentezen Franklin

Ons moes almal op een of ander stadium in ons lewens konflik hanteer. Hoekom? Ons is mense, en mense maak foute! Ons hoef egter nie bang te wees vir konflik nie. Trouens, gesonde konflik kan tot gesonder verhoudings lei. Deur middel van hierdie 5-dag leesplan, gaan ons kyk hoekom konflik vir God saak maak en hoe ons kan begin om reg op te tree teenoor ander. 

Om Reg Op Te Tree Teenoor Ander

Wanneer jy 18 word, voel dit of jy jou lewe in orde moet kry. Wat as jy dit nie regkry nie? Die plek waar jy nou is, is dalk nie die plek waar jy gedink het jy nou sou wees nie. Jy is nie die enigste een nie. Kom ons beredeneer die lewe se belangrike vraagstukke in hierdie 7-dag leesplan vir jongmense deur Versameling van Life.Church.

Versameling: Vind Saam Die Lewe

Dis dikwels vir ons moeilik om die evangelie met vriende te deel. Ons word óf deur vrees oorweldig, óf weet nie wat om te deel nie. Ons het almal 'n sielelas nodig om ons verlore vriende vir Christus te bereik. Hierdie is 'n 21-dae oordenking wat ons help om spesifiek na te dink oor Skrifgedeeltes wat verband hou met evangelisasie, en dit gaan gepaard met 'n kort gebed vir elke dag. 

21-Dae van Gebed vir Vriende 

Die Vader werk dikwels deur die mense wat ons in ons lewens het. Wie is dus jou vriende? Watter soort vriend is jy vir ander? Hierdie sewe dag leesplan sal aan jou die ware aard van vriendskappe toon en die seëninge wat God deur vriendskappe voorsien.

Vriendskap

Dr. Tim Elmore en Life.Church deel saam 12 groot foute wat ouers kan vermy. Ons wil almal die beste vir ons kinders hê, maar soms is dit ons eie goeie bedoelings wat hulle op die verkeerde pad stuur. Kom ons vind die regte koers en lei ons kinders om te floreer en toegewyde volgelinge van Christus te wees. Vir meer inhoud, kyk by finds.life.church 

12 Groot Foute Wat Ouers Kan Vermy

Om kinders groot te maak is moeilik, selfs onder die mees ideale omstandighede. In hierdie 7-dag leesplan deel werklike ouers — wat deel van die personeel van YouVersion is — hoe hulle beginsels uit die Woord van God toepas op hierdie belangrike aspek van hulle lewens. Elke dag se oordenking sluit ‘n versbeeld in wat jy kan gebruik om op jou eie reis te deel.

7 Dinge wat die Bybel oor Ouerskap Sê

Die doel van hierdie oordenking is om uit te vind wat die Woord van God sê oor die uitdagings waarmee ouers te doen kry.  Elke dag se leesstuk bevat 'n Skrifgedeelte en 'n toepassing, wat handel oor die struikelblokke en suksesse wat gesinne na volwassenheid in Christus kan lei.  Die oordenkings is opgestel deur Parenting by Design, 'n Fort Worth bediening wat daarop toegespits is om ouers te leer hoe om hulle kinders in die weë van die Here groot te maak.