ROMEINE 11:35-36

Deel

ROMEINE 11:35-36 Bybel vir almal (ABA)

Of wie het eers vir die Here iets gegee sodat die Here dit dan weer vir hom moes teruggee? Die Here het alles en almal gemaak, alles en almal kom van Hom, en alles en almal moet Hom dien. Daarom moet ons die Here altyd prys. Amen.

ROMEINE 11:35-36 Afrikaans 1933/1953 (AFR53)

Of wie het eers iets aan Hom gegee, dat dit hom vergeld moet word? Want uit Hom en deur Hom en tot Hom is alle dinge. Syne is die heerlikheid tot in ewigheid. Amen.

ROMEINE 11:35-36 Afrikaans 1983 (AFR83)

Wie bewys Hom 'n guns, sodat Hy verplig is om iets terug te doen?” Uit Hom en deur Hom en tot Hom is alle dinge. Aan Hom behoort die heerlikheid tot in ewigheid! Amen.

ROMEINE 11:35-36 Die Bybel 2020-vertaling (AFR20)

Of wie het eers gawes aan Hom gegee, vir wie Hy dit sou moes vergoed? Want uit Hom en deur Hom en tot Hom is alle dinge. Aan Hom kom die heerlikheid vir ewig toe! •Amen.

ROMEINE 11:35-36 Contemporary Afrikaans Bible 2023 (CAB23)

Of wie het eers aan hom gegee, en dit sal hom weer vergeld word? Want uit Hom en deur Hom en tot Hom is alle dinge; aan wie die heerlikheid toekom tot in ewigheid. Amen.

ROMEINE 11:35-36 Die Boodskap (DB)

Is daar iemand wat vir God ’n guns bewys het, sodat Hy iets aan hom moet terugdoen? Van God af kom alles wat bestaan. Hy hou alles in stand. Alles is daar om sy Naam groot te maak. Vir altyd. Ja en amen!

ROMEINE 11:35-36 Nuwe Lewende Vertaling (NLV)

Of wie sou ooit aan Hom ’n guns kon bewys vir wie Hy dit sou moes vergoed? Hy is die bron van alles. Alles bestaan deur sy krag, en alles is op Hom gerig. Aan Hom behoort die heerlikheid vir altyd en altyd. Amen.