PSALMS 16:1-2

Deel

PSALMS 16:1-2 Afrikaans 1983 (AFR83)

'n Gedig van Dawid. Neem my in beskerming, o God; ek soek skuiling by U. Ek het vir die Here gesê: “Ek behoort aan U, daar is vir my niks goeds nie behalwe by U.

PSALMS 16:1-2 Bybel vir almal (ABA)

'n Lied van Dawid. My God, U moet my beskerm, ek wil veilig wees by U. Here, ek het vir U gesê ek behoort aan U, al die goeie dinge wat ek het, kom van U.

PSALMS 16:1-2 Afrikaans 1933/1953 (AFR53)

'N GEDIG van Dawid. Bewaar my, o God, want by U skuil ek. Ek het tot die HERE gesê: U is my Here; vir my is daar geen goed bo U nie.

PSALMS 16:1-2 Die Bybel 2020-vertaling (AFR20)

'n Miktaam. Van Dawid. Beskerm my, o God, want by U skuil ek. Ek het vir die HERE gesê: “U is my Heer; buiten U is daar vir my niks goeds nie.”

PSALMS 16:1-2 Contemporary Afrikaans Bible 2023 (CAB23)

Bewaar my, O God, want op U stel ek my vertroue. O my siel, jy het tot die HERE gesê: U is my HERE; my goedheid strek nie tot U nie

PSALMS 16:1-2 Die Boodskap (DB)

Beskerm my, o God, want ek kom kruip by U weg. U pas my op. Ek het vir die Here gesê: U alleen is my Heer. U is die heel belangrikste in my lewe. Ek is deel van ’n skare mense wat U dien en eer. Ek is bly as ek tussen hulle is.

PSALMS 16:1-2 Nuwe Lewende Vertaling (NLV)

Beskerm my, o God, want ek kom na U toe vir skuiling. Ek sê vir die HERE: “U is my Here! Alle goeie dinge kry ek van U alleen.”