SPREUKE 29:1-14
SPREUKE 29:1-14 Die Boodskap (DB)
’n Hardkoppige mens wat nooit na ander luister nie, sal hom nog lelik vasloop. As ’n gelowige die mag oorneem, juig die mense. As slegte mense aan bewind kom, kla die volk. ’n Jongmens wat graag reg wil leef, maak sy ouers baie bly. Wie prostitute besoek, mors swaarverdiende geld. Slegs wanneer politieke leiers reg regeer, gaan dit in ’n land voorspoedig. Hoë belasting kan ’n volk knak. Loop katvoet vir die man wat jou altyd loop en vlei. Hy bedoel dit nie regtig nie. Dit is soos ’n net wat hy oor jou gooi en waaruit jy nie kan loskom nie. ’n Slegte mens se verkeerde dade is soos ’n gat waarin hy self val. ’n Gelowige is ’n gelukkige mens. Hy sing van vreugde. ’n Gelowige weet dat hy ’n arm mens moet help. ’n Slegte mens steur hom nie aan die armes nie. Hy sal hulle nooit help nie. Dom mense sweep maklik ’n groep op. Wyse mense weet hoe om die woede te laat bedaar. Dis nie die moeite werd om met ’n dom mens te argumenteer nie. Hy lag jou net uit. Daar kom nie rus nie. Mense wat ander graag seermaak, hou niks van gelowiges nie. Vir hulle wat die Here ken, is die lewe wonderlik. ’n Dom mens verloor oral en altyd sy humeur. ’n Wyse beheer homself. As die land se president oneerlik is, is die staatsdiens kort voor lank korrup. ’n Arm mens en die een wat hom onderdruk, is albei die handewerk van God. Hy weet wat hulle doen en sê. As ’n regering vir die armes omgee, sal hulle altyd onthou word.
SPREUKE 29:1-14 Bybel vir almal (ABA)
As jy aanhou om vir iemand te sê hoe hy moet lewe, maar hy bly hardkoppig, dan sal dit gou sleg gaan met hom, en niemand sal hom kan help nie. 'n Volk is bly wanneer die mense wat regeer, mense is wat reg doen, maar 'n volk kla en sug wanneer die mense wat regeer, mense is wat verkeerd doen. 'n Pa is bly wanneer sy seun lief is vir wysheid, maar 'n seun wat altyd na prostitute toe gaan, verloor alles wat hy het. 'n Koning wat reg doen, laat dit goed gaan met sy land, maar 'n koning wat meer en meer belasting wil hê, verwoes sy land. 'n Persoon wat dinge sê net om iemand anders gelukkig te laat voel, wil hom in 'n vangnet vang. Die slegte mens wat verkeerd doen, wil iemand in 'n vangstrik laat trap, maar die mens wat reg lewe, sing vrolik. Iemand wat reg lewe, weet hoe om reg te doen aan arm mense, maar iemand wat verkeerd doen, wil dit nie weet nie. Persone wat altyd wil spot, maak die mense in 'n stad kwaad, wyse mense laat daar weer vrede kom. Wanneer 'n wyse mens 'n dwaas beskuldig, dan hou die dwaas aan om te raas en om die wyse mens te beledig. Moordenaars haat iemand wat heeltemal reg lewe, maar eerlike mense probeer om so 'n persoon se lewe te red. Wanneer 'n dwaas kwaad is, dan sê hy alles wat hy dink, 'n wyse mens bly kalm. Wanneer 'n koning luister na leuens, dan sal almal wat vir hom werk, mense wees wat verkeerd doen. 'n Arm mens en die persoon wat hom verdruk, is saam in die wêreld, die Here laat hulle altwee lewe. 'n Koning wat regverdig is wanneer hy arm mense oordeel, sal lank koning bly.
SPREUKE 29:1-14 Afrikaans 1933/1953 (AFR53)
'N MAN wat baie bestraf is, en sy nek verhard, sal onvoorsiens verbreek word sonder dat daar genesing is. As die regverdiges talryk word, is die volk bly; maar as die goddelose heers, sug die volk. 'n Man wat die wysheid liefhet, verbly sy vader; maar hy wat met hoere omgaan, bring die goed deur. 'n Koning hou deur reg die land in stand, maar 'n man wat belastings afpers, verwoes dit. 'n Man wat sy naaste vlei, sprei 'n net uit voor sy voetstappe. In die oortreding van 'n slegte mens is 'n strik, maar die regverdige sal jubel en bly wees. Die regverdige ken die reg van die armes, maar die goddelose verkry geen kennis nie. Manne wat spot, bring 'n stad in oproer, maar die wyse bring die toorn tot bedaring. Het 'n wyse man met 'n sot 'n regsaak, dan gaan die sot te kere en lag, sonder bedaring. Manne van bloed haat die regskapene, en hulle soek die lewe van die opregtes. 'n Dwaas laat al sy toorn uitvaar, maar 'n wyse bring dit eindelik tot bedaring. 'n Heerser wat luister na 'n leuenagtige woord, sy dienaars is almal goddeloos. Die arme en die man wat verdruk, ontmoet mekaar, die HERE verlig altwee se oë. 'n Koning wat getrou aan die armes reg verskaf, sy troon sal vir altyd bevestig wees.
SPREUKE 29:1-14 Afrikaans 1983 (AFR83)
'n Man wat hom bly verset teen teregwysings, kom skielik tot 'n val en staan nie weer op nie. 'n Volk juig as regverdige mense die mag kry; 'n volk sug as 'n goddelose mens regeer. 'n Man wat wysheid hoog aanslaan, maak sy vader gelukkig; een wat hom met prostitute ophou, vermors sy besittings. 'n Koning wat reg laat geskied, maak 'n land veilig; een wat net belastings oplê, ruïneer 'n land. 'n Man wat 'n ander vlei, is besig om hom in 'n strik te laat loop. 'n Mens se sonde is sy grootste gevaar. Iemand wat reg doen, kan vrolik sing. 'n Regverdige mens is besorg oor die reg van arm mense, 'n goddelose mens het nie begrip vir dié besorgdheid nie. Ligsinnige mense bring 'n stad in oproer; wyse mense kalmeer die gemoedere. Wanneer 'n wyse man 'n saak maak teen 'n dwaas, raak die dwaas opgewonde en beledigend, en kom daar nie vrede nie. Moordenaars haat 'n onskuldige mens; mense wat reg lewe, probeer sy lewe red. 'n Dwaas gee vrye teuels aan sy woede; 'n wyse mens kry die dwaas naderhand gekalmeer. 'n Regeerder wat hom aan leuens steur, het naderhand net goddeloses in sy diens. 'n Arm mens en sy verdrukker het een ding gemeenskaplik: die Here hou hulle altwee in die lewe. As 'n koning reg aan arm mense laat geskied, sal hy lank regeer.
SPREUKE 29:1-14 Die Bybel 2020-vertaling (AFR20)
Iemand wat ná teregwysings hardnekkig bly, sal onverwags verpletter word, sonder kans op herstel. Wanneer regverdiges meer word, is die volk verheug; maar wanneer goddeloses heers, sug 'n volk. Iemand wat wysheid liefhet, verheug sy vader; maar wie met prostitute deurmekaar raak, vernietig rykdom. 'n Koning hou deur die reg 'n land in stand; maar hy wat heffings oplê, breek dit af. 'n Man wat sy medemens vlei, span 'n vangnet vir sy eie voete. In die oortreding van 'n bose mens lê daar 'n valstrik, maar 'n regverdige juig en is bly. 'n Regverdige is bedag op die regte van armes; 'n goddelose verstaan nie sulke kennis nie. Spotters blaas oproer aan in 'n stad, maar wyses bring toorn tot bedaring. As 'n wyse mens betrokke raak in 'n hofsaak met 'n sot, is die sot senuweeagtig en giggel sonder ophou. Mense wat bloed vergiet, haat 'n onberispelike mens; maar opregtes, hulle is begaan oor sy lewe. 'n Dwaas gee vrye teuels aan al sy gevoelens, maar 'n wyse bedwing sy gevoelens uiteindelik. 'n Heerser wat luister na leuentaal – almal wat in sy diens is, is goddeloos. Die arme en onderdrukker het dít gemeen: Die HERE gee lig aan albei se oë. 'n Koning wat armes billik oordeel – sy troon sal vir altyd standhou.
SPREUKE 29:1-14 Contemporary Afrikaans Bible 2023 (CAB23)
Hy wat dikwels teregwys sy nek verhard, sal skielik vernietig word, en dit sonder genesing. Wanneer die regverdige gesag het, is die volk bly; maar as die goddelose heers, treur die volk. Wie wysheid liefhet, verbly sy vader; maar hy wat met hoere omgaan, bestee sy besittings. Die koning bevestig die land deur 'n oordeel, maar hy wat geskenke ontvang, vernietig dit. 'n Man wat sy naaste vlei, sprei 'n net vir sy voete uit. In die oortreding van 'n bose man is daar 'n strik, maar die regverdige jubel en juig. Die regverdige let op die saak van die arme, maar die goddelose slaan dit nie op nie. Magters bring 'n stad in 'n strik, maar wyse manne keer die toorn af. As 'n wyse man met 'n dwase twis, of hy kwaad is of lag, is daar geen rus nie. Die bloeddorstige haat die opregte, maar die regverdige soek sy siel. 'n Dwaas spreek sy hele verstand uit, maar 'n wyse man bewaar dit tot daarna. As 'n owerste na leuens luister, is al sy dienaars goddeloos. Die arme en die bedrieglike man ontmoet mekaar: die HERE verlig hulle albei oë. Die koning wat die armes getrou oordeel, sy troon sal vir ewig vasstaan.
SPREUKE 29:1-14 Die Boodskap (DB)
’n Hardkoppige mens wat nooit na ander luister nie, sal hom nog lelik vasloop. As ’n gelowige die mag oorneem, juig die mense. As slegte mense aan bewind kom, kla die volk. ’n Jongmens wat graag reg wil leef, maak sy ouers baie bly. Wie prostitute besoek, mors swaarverdiende geld. Slegs wanneer politieke leiers reg regeer, gaan dit in ’n land voorspoedig. Hoë belasting kan ’n volk knak. Loop katvoet vir die man wat jou altyd loop en vlei. Hy bedoel dit nie regtig nie. Dit is soos ’n net wat hy oor jou gooi en waaruit jy nie kan loskom nie. ’n Slegte mens se verkeerde dade is soos ’n gat waarin hy self val. ’n Gelowige is ’n gelukkige mens. Hy sing van vreugde. ’n Gelowige weet dat hy ’n arm mens moet help. ’n Slegte mens steur hom nie aan die armes nie. Hy sal hulle nooit help nie. Dom mense sweep maklik ’n groep op. Wyse mense weet hoe om die woede te laat bedaar. Dis nie die moeite werd om met ’n dom mens te argumenteer nie. Hy lag jou net uit. Daar kom nie rus nie. Mense wat ander graag seermaak, hou niks van gelowiges nie. Vir hulle wat die Here ken, is die lewe wonderlik. ’n Dom mens verloor oral en altyd sy humeur. ’n Wyse beheer homself. As die land se president oneerlik is, is die staatsdiens kort voor lank korrup. ’n Arm mens en die een wat hom onderdruk, is albei die handewerk van God. Hy weet wat hulle doen en sê. As ’n regering vir die armes omgee, sal hulle altyd onthou word.
SPREUKE 29:1-14 Nuwe Lewende Vertaling (NLV)
Wie hom hardkoppig teen teregwysings bly verset, stort skielik ineen. Niks kan dan weer vir hom herstel bring nie. ’n Volk juig wanneer regverdige mense regeer, hulle sug wanneer goddeloses aan bewind is. ’n Man wat lief is vir wysheid maak sy pa baie gelukkig. Een wat hom besig hou met prostitute, mors sy geld. ’n Regverdige koning bring bestendigheid in sy land. Een wat buitengewone belasting wil hê, ruïneer sy land. Iemand wat sy medemens vlei, is besig om ’n valstrik te stel. ’n Goddelose mens se eie sonde is sy ondergang. Iemand wat reg doen, kan vrolik sing. ’n Regverdige mens gee om vir arm mense se regte. ’n Goddelose mens het geen begrip daarvoor nie. Ligsinnige mense kan ’n hele stad op hol jaag; wyse mense laat gemoedere bedaar. Wanneer ’n wyse man ’n hofsaak maak teen ’n dwaas, sal die dwaas heftig raak en hom beledig. Daar sal nie kalmte in die hofsaal wees nie. Moordenaars haat ’n opregte mens; eerlike mense help mense wat eerbaar lewe. ’n Dwaas bars uit in woede. Iemand wat wys is, hou homself in toom. Iemand wat regeer en hom aan leuens steur, stel goddeloses aan in sy diens. ’n Arm mens en sy onderdrukker het een ding in gemeen: Die HERE gee aan al twee die lewenslig. ’n Koning wat armes billik behandel in die regspraak, sal lank regeer.