SPREUKE 20:4-6
SPREUKE 20:4-6 Bybel vir almal (ABA)
Die lui mens ploeg nie wanneer hy moet ploeg nie, en wanneer dit tyd is om te oes, dan soek hy koring om af te sny, maar daar is niks. Wanneer iemand goed dink voordat hy vir ander mense sê wat hulle moet doen, dan is dit soos water in 'n diep put. Verstandige mense skep daaruit, hulle luister na wat hy sê. Daar is baie mense wat sê hulle sal doen wat hulle belowe, maar daar is min mense wat regtig doen wat hulle sê.
SPREUKE 20:4-6 Afrikaans 1933/1953 (AFR53)
In die herfs ploeg die luiaard nie; en verlang hy iets in die oestyd, dan is daar niks nie. Die raad in die hart van 'n man mag diep waters wees, 'n man van verstand sal dit tog uitskep. Baie mense roem hulle eie welwillendheid, maar wie vind 'n betroubare man?
SPREUKE 20:4-6 Afrikaans 1983 (AFR83)
'n Luiaard ploeg nie in die saaityd nie en soek in die oestyd na iets wat nie daar is nie. 'n Oorwoë mening is diep waters; 'n verstandige mens skep daaruit. Baie gee te kenne dat hulle getrou is, maar wie kan 'n werklik betroubare mens vind?
SPREUKE 20:4-6 Die Bybel 2020-vertaling (AFR20)
In die winter ploeg 'n luiaard nie; soek hy iets in die oestyd, is daar niks. Diep water is die planne in die hart van 'n man, en 'n skerpsinnige mens sal daaruit put. Baie mense verklaar hulle lojaliteit, maar 'n werklik betroubare man – wie sal hom vind?
SPREUKE 20:4-6 Contemporary Afrikaans Bible 2023 (CAB23)
Die luiaard sal nie ploeg vanweë die koue nie; daarom sal hy in die oes bedel en niks hê nie. Raad in die hart van 'n mens is soos diep water; maar 'n man van verstand sal dit uithaal. Die meeste mense sal elkeen sy eie goedheid verkondig, maar wie kan 'n getroue man vind?
SPREUKE 20:4-6 Die Boodskap (DB)
Lui mense gaan ook in die môre werk toe. Daar doen hulle net mooi niks, maar aan die einde van die maand wil hulle geld hê. Wat mense dink, is ’n geslote boek. Niemand weet wat in hulle koppe aangaan nie. Net iemand met ’n fyn aanvoeling vir mense verstaan iets daarvan. Egte vriendskap is skaars. Baie sê hulle is jou vriend, maar min sal jou deur dik en dun ondersteun.
SPREUKE 20:4-6 Nuwe Lewende Vertaling (NLV)
’n Luiaard ploeg nie wanneer dit saaityd is nie. Wanneer hy oestyd na iets soek, is daar niks om te oes nie. Wat ’n mens dink, is onpeilbare diep waters, maar verstandiges sal voordeel daaruit trek. Baie mense sal voorgee dat hulle lojale vriende is, maar waar is daar iemand wat regtig betroubaar is?