SPREUKE 10:27-28

Deel

SPREUKE 10:27-28 Bybel vir almal (ABA)

As iemand die Here respekteer en Hom dien, dan sal daardie persoon lank lewe. Mense wat verkeerd doen, se lewe is kort. Mense wat reg lewe, sal gelukkig wees, mense wat verkeerd doen, kan nie hoop dat dit later goed sal gaan nie.

SPREUKE 10:27-28 Afrikaans 1933/1953 (AFR53)

Die vrees van die HERE vermeerder die dae, maar die jare van die goddelose word verkort. Die verwagting van die regverdiges is vreugde, maar die hoop van die goddelose vergaan.

SPREUKE 10:27-28 Afrikaans 1983 (AFR83)

Wie die Here dien, lewe lank; wie sonder Hom lewe, se lewensjare is min. Vir die regverdiges lê daar vreugde voor; die goddeloses het geen toekoms nie.

SPREUKE 10:27-28 Die Bybel 2020-vertaling (AFR20)

Ontsag vir die HERE verleng die lewensdae, maar die jare van goddeloses word kortgeknip. Die verwagting van regverdiges is vreugde, maar die hoop van goddeloses vergaan.

SPREUKE 10:27-28 Contemporary Afrikaans Bible 2023 (CAB23)

Die vrees van die HERE verleng die dae, maar die jare van die goddelose word verkort. Die hoop van die regverdiges is blydskap, maar die verwagting van die goddelose vergaan.

SPREUKE 10:27-28 Die Boodskap (DB)

Liefde vir die Here maak die lewe die moeite werd. Ongelowiges se lewens is kort en vol angs. Dit waarop gelowiges hoop, word waar. Daar kom niks van ongelowiges se hoop nie.

SPREUKE 10:27-28 Nuwe Lewende Vertaling (NLV)

Hy wat ontsag het vir die HERE, maak sy lewe langer; die goddelose se lewe word kortgeknip. Die regverdiges kan vreugde verwag, maar goddeloses het geen hoop nie.