MARKUS 13:10-11
MARKUS 13:10-11 Bybel vir almal (ABA)
Al die volke moet eers die goeie boodskap hoor. Wanneer die mense julle vang en hof toe vat, dan moet julle nie bekommerd wees oor wat julle sal sê nie. God sal vir julle sê wat julle dan moet sê. Dit sal nie julle wees wat praat nie, dit sal die Heilige Gees wees wat praat.
MARKUS 13:10-11 Afrikaans 1933/1953 (AFR53)
En die evangelie moet eers aan al die nasies verkondig word. En wanneer hulle jul weglei om julle oor te lewer, moenie julle vooraf kwel oor wat julle sal spreek nie, en moenie daaroor dink nie; maar wat julle in dié uur gegee word, dit moet julle spreek; want dit is nie julle wat spreek nie, maar die Heilige Gees.
MARKUS 13:10-11 Afrikaans 1983 (AFR83)
En die evangelie moet eers aan al die nasies verkondig word. Wanneer hulle julle gryp om julle oor te lewer, moet julle julle nie vooruit bekommer oor wat julle sal sê nie, maar julle moet praat soos dit op daardie oomblik aan julle gegee sal word, want dit is nie julle wat praat nie, maar die Heilige Gees.
MARKUS 13:10-11 Die Bybel 2020-vertaling (AFR20)
En die evangelie moet eers aan al die nasies verkondig word. Wanneer hulle julle gevange neem en julle oorlewer, moet julle julle nie vooraf bekommer oor wat julle moet sê nie, maar wat ook al op daardie oomblik aan julle gegee word, dit moet julle sê; want dit is nie julle wat praat nie, maar die Heilige Gees.
MARKUS 13:10-11 Contemporary Afrikaans Bible 2023 (CAB23)
En die evangelie moet eers onder al die nasies verkondig word. Maar wanneer hulle julle lei en julle oorgee, moenie vooraf dink oor wat julle sal spreek nie, en julle moet julle nie vooraf besin nie; maar alles wat julle in daardie uur gegee sal word, spreek julle; want dit is nie julle wat spreek nie, maar Heilige Gees.
MARKUS 13:10-11 Die Boodskap (DB)
Voordat die einde kom, moet die goeie nuus eers aan al die nasies vertel word. En as hulle julle in die tronk stop of voor die hof sleep, moenie bekommerd wees oor wat julle gaan sê nie. “Die Heilige Gees sal julle op daardie oomblik help om die regte dinge te sê. Dit sal nie julle wees wat praat nie, maar die Heilige Gees.
MARKUS 13:10-11 Nuwe Lewende Vertaling (NLV)
Ja, die Goeie Nuus moet eers verkondig word aan al die nasies. Maar wanneer hulle julle voor die owerhede bring, moet julle julle nie bekommer oor wat julle ter verdediging sal sê nie. Sê maar net wat God in daardie uur vir julle sal gee om te sê. Julle sal wel die woorde uitspreek, maar eintlik is dit die Heilige Gees wat deur julle praat.