GÉNESIS 10
10
Noé iñemuña reta
(1 Cr 1.5-23)
1Noé taɨ reta jae Sem, Cam jare Jafet; kuae reta iñemuña oa chupe reta ɨporu guasu oasa güire vae reta jae kuae.
2Jafet taɨ reta jae: Gomer, Magog, Madai, Javán, Tubal, Mesec jare Tiras. 3Gomer taɨ reta jae: Askenaz, Rifat jare Togarma. 4Javán taɨ reta jae: Elisa, Tarsis, Quitim jare Dodanim. 5Kuae reta oñemoëta ɨguasu jembeɨ rupi tëtaguasu reta metei tëtara jare metei iñee pe imiari vae.
6Cam taɨ reta jae: Cus, Mizraim, Fut jare Canaán. 7Cus taɨ reta jae: Seba, Havila, Sabta, Raama jare Sabteca. Jare Raama taɨ reta jae: Seba jare Dedán. 8Jare Cus pe oa taɨ Nimrod, jae ko tenondegua kuimbae imbaepuere yae ɨvɨ pe vae. 9Kuae jäta ngatu jare ata regua yandeYa jóvai, jókuae jeko pegua jei vae: “Nimrod rami jäta ngatu jare ata regua yandeYa jóvai.” 10Jae omboɨpɨ oporookuai tëta tuicha vae reta Babel, Erec, Acad jare Calne re, ɨvɨ Sinar pe. 11Kuae ɨvɨ güi oë oiko vaerä tëta Asiria jare oyapo tëta guasu Nínive, Rehobot, Cala, 12jare Resén tëta tuicha yae vae oï Nínive jare Cala ipäu pe.
13Mizraim taɨ Ludim, Anamim, Lehabim, Naftuhim, 14Patrusim, Casluhim, chugüi filisteo reta oñemuña, jare Caftorim.
15Canaán taɨrɨpɨ jae ko Sidón jare Het jae vi taɨ. 16Canaán güi oñemuña jebuseo, amorreo, gergeseo, 17heveo, araceo, sineo, 18arvadeo, zemareo jare hamateo. Jaɨkue rupi opa oñemoai Canaán iñemuña reta. 19Cananeo iɨvɨ Sidón güive Gerar re katu, Gaza re ojo oya, jare Sodoma re katu, Adma jare Seboim, ojo oya Lasa re. 20Kuae ko jae Cam iñemuña reta, metei ñee pe imiari vae jare metei tëtara vae, iɨvɨ ae pe jëtaguasu ae ae pe.
21Sem pe oa vi taɨ reta, jae ko Jafet tɨkeɨ, chugüi oñemuña opaete Heber taɨ reta. 22Sem taɨ reta jae: Elam, Asur, Arfaxad, Lud jare Aram. 23Aram taɨ reta jae: Uz, Hul, Geter jare Mas. 24Arfaxad pe oa taɨ Sala, jare Sala pe oa taɨ Heber. 25Heber pe oa mókoi taɨ reta: Metei jee Peleg, echa jae iara pe ɨvɨ pegua reta oyemboyao oyougüi; jare tɨvɨ jee Joctán. 26Joctán taɨ reta jae: Almodad, Selef, Hazar-mavet, Jera, 27Adoram, Uzal, Dicla, 28Obal, Abimael, Seba, 29Ofir, Havila jare Jobab; opaete kuae reta jae ko Joctán taɨ reta. 30Jare ɨvɨ yogüɨreko pɨpe vae Mesa güive Sefar re katu; opaete ɨvɨtɨ kuaraɨ oëa kotɨgua. 31Kuae ko jae Sem iñemuña reta metei ñee pe imiari vae jare metei tëtara vae, iɨvɨ ae pe jëtaguasu ae ae pe.
32Kuae jae Noé iñemuña reta, kuae reta güi oñemoai opaete ɨvɨ re jare oyeapo tëtaguasu reta, ɨporu guasu oasa güire.
Tans Gekies:
GÉNESIS 10: GUABD
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Biblia DC Guaraní Bolivia © Bolivian Bible Society, 2001.
