Bage oy fare 5
5
1Há tene hage mo wak jan fare to, ke fogor ke wak tuli Dok ndwara se to. Ago, Dok ka ya digi zi ya, mo me, mo ya suwar se. Ne da pe no ɗe, a kwaɗa go, mo fare janna ma ka ŋgayya gwa#Frs 10:19, 13:3, Yak 3:1-12.. 2Ne jo̰ kiya̰r janna mbo da ne dwatɗa ge gḛ ma ta, sot wak se yayak, e naa jan fare ge sone ma.
3Swaga ge mo ke wak tuli ya Dok ndwara se, há tene wi na wak. Ago Dok sḛ ke tuli ne naa ge daal ma to. Wi wak tuli ge mo ne ke wak!
4A golgo mo ke wak tuli to, ge mo ke ɗo, mo mbyat wi na wak to.
5Ya̰ mo wak gene mo wat sone zi to. Kaage mo jan bage temeya go: «Mbi wak sa̰me sa̰me baŋ» to. Mo te é Dok laar hotɗa ne fare janna ge mo ne ma pe gyana ɗaa? Mo te ɓyare gyana go, na burmi kaŋ ge mo ne ke ma uzi ɗaa? 6Sot wak se yayak fare janna ta a be a̰me pe ne to dimma ca ne kiya̰r janna ge gḛ ceɗed go. Ne pe no, sya Dok vo.
Yál ge naa ga̰l ma ne ke naa
7Kaage mo ke ajab ne yál ge a ne ke naa ge a̰se ma to, ko ne ndalla ge a ne ndal fare ge jwap ma ne fare ge dosol koo zi pe to. Ago ndu ge ga̰l, na kon ge ne waɗe na ne ga̰l lar na pala ne, nama pala digi me, ndu ge gwan waɗe nama ne ga̰l ya go. 8Kaŋ ge naa ne ɓol ne kaŋ kyarga ta da ne naa pe pet, ko gan puy, ɓol na ne ndwara ya zi.
Kaŋ ɓolla hamba to
9Bware mbyat ndu ge na laar ne wa̰ bware to. Ndu ge ne a̰y ne kaŋ ɓolla, kaŋ ɓolla mbyat na to. No uwale, a a̰me pe ne to.
10Swaga ge kaŋ ɓolla ne zuli se bindik, naa ge zam nama kat gḛ me. Ndu ge ne ɓó kaŋ mbe ma ɓol ma kaŋ mam ne zi ɗaa? Ago ndil nama da ne na ndwara baŋ.
11Ndu ge temel fi dam halas, ko na ɓó kaŋzam gḛ, ko woɗege. Ndu ge gan njonjoy, na kaŋ gan ma ya̰ na viya̰ fi dam to.
12Kaŋ ge haŋle ge mbi ne kwa na suwar pal, ago ndu woy na kaŋ gan ma digi tene pal. 13Ban na kaŋ gan mbe ma kaŋ ge sone ta. Na vya gá tok baŋ. 14Dimma ne na ne tó ne na ná laar zi ya suli go, na sḛ mbo gwan tok baŋ be ge her na kaŋ ɓolla a̰me na tok go#Ayu 1:21, Kmb 49:17-18, 1Tim 6:7..
15No uwale, a kaŋ ge haŋle ne, ge ndu ba gwan tok baŋ dimma ne na ne mbo ya go. A ma kaŋ mam ge na sḛ ne ɓó ne na temel ge na ne ke zi ne ɗaa? Ke temel baŋ. 16Uwale, dam ge na ne ma zi mwaɗak ya tiiɗiya zi, ya yál ma ne laar pisil zi.
17Ndi kaŋ ge mbi ne kwa no uwale. A kwaɗa ge ndu zam, ne njot, za̰ tuli ne kaŋ ge na ne ke ne na tok zi ma suwar pal, dam ma ge Dok ne ho̰ na ma zi. No na varra ne 18Uwale, kadɗa Dok ho̰ ndu kaŋ ɓolla ma, ne kaŋ gan ma, ya̰ na go, na zá nama, na za̰ tuli ne yál njotɗa ge na temel ne, no uwale, a bobo ge Dok ne ne.
19Ago, swaga ge Dok ne ya̰ na a̰yya, vyale go, na dam ge katɗa suwar pal ma ŋgeɗo.
Tans Gekies:
Bage oy fare 5: FGN2013
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
La Bible en langue Kim © Alliance Biblique du Tchad, 2013.