Bage oy fare 6
6
1Mbi kwa fare ge haŋle a̰me suwar pal, a fare ge ne waɗe haŋle ne naa dasana ma pe ne. 2Ndi, ndu a̰me ge Dok ne hon na kaŋ gan ma, ne kaŋ ɓolla ma, ne hormo me. Da ne kaŋ ma pet ge ke na sḛ tuli, kaŋ a̰me ge woɗege na to. Amma Dok yá̰ na viya̰ ge zam na kaŋ mbe ma to, ndu ge ɗogle gá zam nama ne. No uwale, a a̰me pe ne to, a fare ge ne waɗe haŋle ne. 3Kadɗa ndu tó vya ma kis, ko na ke del ma gḛ dunya zi puy ɗo, kadɗa na be za̰ tuli na del mbe ma zi to, na be ɓol swaga mbul tene to me, mbi jan go: vya twareya golgo waɗe na. 4Ago vya ge ne tware mbo ya dunya zi baŋ yak, gwan tṵ zi. Ndu a̰me gwan dwat na pal to. 5Na ndwara fa̰ be kwa gyala to, be ɓol yál ge dunya ne ma to. Na sḛ ɓó ɗigliya waɗe bage may. 6Kadɗa ndu ke del dudubu azi dunya zi, be ge ɓol tuli, na hamba da ɗaa? Naa te jyat mbo swaga ge ɗu ya pet to’a?
A̰me ge mbyat ndu dasana to
7Ndu a̰me njoy tene ke temel da ne na laar pe. Go no puy ɗe, huri to. 8Ndu ge zwama waɗe ndu ge daal da ne da ɗaa? A ma kaŋ hamba ge ndu ge a̰se ba ka ke mborra jwap naa buwal zi ɗaa? 9Kaŋ ge ne mo ndwara go, a golgo waɗe kaŋ ge mo gale ne dwat ne na pal. No uwale, a a̰me pe ne to, a yan saam pe ne baŋ.
10Kaŋ ge ne go ma, a kaŋ ge naa ne kwar nama ne zaŋgal ya day ma ne. Nee kwa ndu dasana kwa. Na sḛ ne pool ge gage tene ne ndu ge ne waɗe na ne pool to. 11Ndu ge ne far gḛ, jan fare ge sone ma gḛ me. A ma kaŋ mam ge ndu mbe ne ɓol ne ɗaa?
12A wuɗi kwa kaŋ ge kwaɗa ge ne mbo ke ya ne na pe, katɗa ge na ne ge ŋgeɗo ge dunya zi mbe no ne ɗaa? A wuɗi mbo jan na kaŋ ge ne mbo ke ya na go̰r go suwar pal ne ɗaa?
Tans Gekies:
Bage oy fare 6: FGN2013
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
La Bible en langue Kim © Alliance Biblique du Tchad, 2013.