Psalms 30:8-12

U was vir my goed en U het my beskerm, Here. Maar toe het U van my af weggekyk. Eers was daar net ’n doodse stilte van u kant af. Ek het gebewe, so bang was ek. Ek het ernstig tot U gebid, Here. Ek het gevra dat U tog weer vir my sal goed wees. Ek het vir U gesê: “Wat help dit U as ek doodgaan? Kan iemand wat dood is, U prys? ’n Dooie kan tog nie vertel hoe goed U is nie. Help my, Here. Maak u hart vir my groot oop. Wees weer goed vir my.” Ek was baie hartseer, maar U het my lewe met blydskap volgemaak. Nou huil ek nie meer nie. Ek spring in die lug van vreugde. U het my ’n groot eer aangedoen. Ek vier fees.