Psalms 149:6-9

God se kinders sê vir die Here dankie. As mense die Here nie dien nie, sal hulle met sy kinders te doen kry. Hulle is reg om mense te straf wat God nie eer nie. Sy kinders sal die goddelose leiers in die tronk stop, omdat hulle hulle nie aan God steur nie. Hulle dink hulle is te belangrik daarvoor. Almal wat die Here dien, wil graag ontslae raak van mense wat nie na die Here luister nie. En hulle sal dit regkry. Kom prys die Here!