Deuteronomium 34:10-12

Daar was nog nie weer ’n man soos Moses nie. Hy het vir die volk kom sê wat die Here hom beveel het, want die Here het Moses as sy vriend beskou. Hulle het met mekaar gepraat, en hulle het mekaar persoonlik geken. Die Here het hom gestuur om Israel uit Egipte te gaan red. Moses het al die wonderlike dinge gedoen wat die Here vir die farao, die koning van Egipte, en al die mense van Egipte wou wys. Ja, Moses het al die groot en wonderlike dinge gedoen wat die Here vir Israel wou wys. Die Here het vir Israel gewys wie Hy is en hoe sterk Hy is. En Hy het Moses gebruik om dit te doen.