Psalms 120:1-7

'n •Pelgrimslied. Na die HERE het ek in my nood geroep en Hy het my geantwoord. HERE, bevry my lewe, van lippe wat lieg, van 'n tong wat bedrieg. Wat moet Hy jou gee, en wat moet Hy vir jou byvoeg, bedrieglike tong? Die skerpgemaakte pyle van 'n held saam met gloeiende kole van 'n witbesembos! Wee my, want ek vertoef as 'n •vreemdeling in Meseg; ek woon by die tente van Kedar. Te lank woon ek by hulle wat vrede haat. Ek is vir vrede, maar wanneer ek praat, is hulle gereed vir oorlog.