Eksodus 11:1-7

Die HERE het vir Moses gesê: “Nog een plaag gaan Ek oor die farao en oor Egipte bring. Daarna sal hy julle van hier af laat gaan. Wanneer hy julle laat gaan, sal hy julle beslis met alles wat julle het, van hier af wegjaag. Stel dit duidelik aan die volk dat elke man van sy buurman en elke vrou van haar buurvrou silwer- en goue voorwerpe eis.” Die HERE het gesorg dat die Egiptenare die volk goedgesind is. Ook Moses was 'n man wat hoë aansien geniet het in Egipteland, in die oë van die farao se amptenare en in die oë van die volk. Moses het gesê: “So sê die HERE, ‘Teen middernag gaan Ek dwarsdeur Egipte trek. Dan sal al die eersgeborenes in Egipteland sterf, van die eersgeborene van die farao wat op sy troon sit, tot die eersgeborene van die slavin agter die maalklippe, ook al die eersgeborenes van die vee. Deur die hele Egipteland sal daar 'n harde geskreeu opklink, soos daar nog nooit was nie, en soos daar nooit weer sal wees nie. Maar by al die Israeliete sal nie eers 'n hond grom nie, vir geen mens of dier nie, sodat julle kan besef dat die HERE onderskeid tref tussen Egipte en Israel.

Gratis leesplanne en oordenkings oor Eksodus 11:1-7