1 Samuel 20:41-42

Toe die jong dienaar weg is, staan Dawid langs die kliphoop op, val neer met sy gesig na die grond, en buig drie maal diep neer. Hulle het mekaar gesoen en saam gehuil totdat Dawid buite homself was. Jonatan sê toe vir Dawid: “Gaan in vrede, want ons twee het in die Naam van die HERE 'n eed afgelê en gesê, ‘Die HERE self sal getuie wees tussen my en jou, en tussen my nageslag en jou nageslag vir ewig. ’ ”