Met 49
49
Bibotan bi Yakob e be bobefame bé awôm a bebaé Awu Yakob
(Dt 33)
1Yakob a nga loone bobefame bé a jô na: Sula'ane vôme wua, a ma ye kate mia mam ma ye kui be mia melu ma zu.
2Sula'ane vôme wua, vô'ôla'an
mia bobefame be Yakob!
Vô'ôla'an Israél ésoo wônan!
3Wo, Ruben, ntôle mone wom,
ngule jam a *bembômô ya ngule fame jam.
Oyabe yôp mfa'a ya éjijin, a ôyabe yôp
mfa'a ya éwôlô.
4Ayok ane mendim, ve wo ye bo te dañe bôte bevok,
ô nga ve énoñe jame mvin,
éyoñ ô nga dañ été.
5Siméoñ a Lévi, be ne bobenyañ,
atyeñe dap e ne bivôle bi njet.
6Nsisime wom ô bo'o te nyoñe ngap
a éso'o jap,
ôsimesane viam ô bo'o te fulan a nsula'ane wop!
Amu, ayo'o dab été, be nga wôé môt
a e mimbusa miab été,
be nga tyi'i minsône mebé mi beyôme benyak.
7Ayaa dap e bo'o biyo'é
amu e ne njet,
nalé fe mbia ñwô'an ôlune wop
amu a ne fe njet!
Ma ye kandé be e Yakob été,
a ma ye mialane be Israél été.
8Yuda, wo bobenyoñ ba ye kute meboñe si
ôsu viôé.
9Yuda a ne étoñe ngbwengbwem,
wo bet ô so'ok e vôme mimbim mi né,
a mone wom!
a nyi'ik meboñ,
a bômbô si ane nnôme ngbwengbwem,
ane ngale ngbwengbwem,
za a ye bo na a kôlô si'
10Ntum éjôé wo ye bo te kôlô Yuda.
Nge ndeme môta metiñ e kôlô mebo mé zañ.
Akekui Mesi a soya
a *meyoñ me bôte ke me veya nye mewôk.
11A tiñeti éjakase jé afube mindik,
a mona ngal éjakase wé a tiñeti nye
afase ndik da dañ abeñ.
A sôbe ngômesane jé e woon été,
a alô'ô dé e metyi bibuma bi ndi'i woon été.
12Mise mé me ne évele a woon,
a mesôñ mé éfumulu a menyañ.
13Zabuloñ a ye tabe e bikôte bi mañ,
a ye tebe ékôte mañ besitima,
a minné mié mia ye limitan a kui
mfa'a ya Sidoñ.
14Isakar a ne éjakas é ne mbamba éyeka'a
e nje ja bômbô e zañe mebemba mebaé.
15A lôô na e vôm a bôô a ne mbamba vôm,
a naa si ne abeñ.
A vit étule jé e mbe'e si,
a ne *ôlo y'ésaé.
16Dañ a ye tyi'i ayoñe dé mejô
ane ayoñe da ya meyoñe y'Israél.
17Dañ a ye bo nyo e zene yôp,
akpwe ôsozen,
a lôbôk bibo'os bi ékabela
e nje mbebe wé a ku kayale ôtok.
18Me too nyiane wôé ndi, a Nti!
19Gad, nsamba bôt wo ye yametan a wosane nye,
ve nye a ye sulan asu ya titane wô!
20Abui bidi da ye bo e be Azér,
a ye ve mbamba bidi bi njô bôt.
21Néftali a ne ngale nkok a mate;
a ye tote mbamba bifia.
22Yôsep a ne éfa'alé y'élé é ne atek,
éfa'alé y'élé é ne atek e fefel'anjeñe mendim,
mintyaé mia bet ôyabe yôp a dañ akak.
23Be nga té nye ntañete, be nga wua nye akoñ *élaé,
bewua *élaé be mbe besiñe bé.
24Ve *élaé jé é nga li'i é too avale da,
e mo mé me nga vebane ngu
a mo me Ngungule Yakob;
ajô te a nga su'ulane bobane mba'ale, akôm Israél.
25A Zambe ésoo, nyô a ye bo mvolô wôé;
a Nyô a ne Ngul ése, nyô a ye botane wo,
bibotane bia so yôbe ya môp,
bibotane bia so édo'o ya beta yee,
bibotane ya mebé a abume nyia mon,
26Bibotan bi ésoo bia dañe bibotane bi ba
be nga nyoñe ma abum,
akekui aku'u ya minkôle mi too nnôm éto;
bi bo'ok e nlô Yôsep, e nlô njôô bobenyañ!
27Bényamin a ne ze ja nyap;
mametyé, a min e jôm a te bi a mamengô'é,
a kabe biôme ya nsa.
28E ba ba bo *meyoñ m'Israél awôm a mebaé e mbe le; a e jam ésaa wop a nga jô be nde le, a bota'ane be. A nga botane be, môt ase avale bibotane dé.
Yakob a ya'ane bon
(Met 23:1 akk; 50:4-13)
29Wôna a nga ve be abendé di na: Me mbeme zu ke koone bimvame biam bi nga mane wu, jamane ma a beésa bam, e mbas akok ô ne afube y'Efroñ, mone Hitit, 30e mbas ako'o y'afube Makpéla, bebé a Mamré, e Kanaan. E ne afub Abraham a nga kus e be Efroñ, mone Hitit, ane afube mesoñ. 31E nne be nga jam Abraham a Sara valé; e nne me nga jame Léa valé; 32afup a mbas akok ô ne été bi nga kuseban e be Behitit. 33Eyoñe Yakob a maneya ve bone bé mebendé, a nga beta bômbô si, a nga wu a ke koone bimvame bié bi nga mane wu.
Tans Gekies:
Met 49: BDCB
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Bible en langue Bulu © L'Alliance Biblique du Cameroun, 2007, 2015.
