Met 44
44
Bényamin a *élaé Yôsep
(Dt 8:2,16)
1Yôsep a nga bendé mba'ale akume ya *nda jé na: Jalé'é bidi e mimbe'e mi bôte bana, abime be ne nguleya be'e, a futi'i moné môt ase anyu mbe'e wé! 2Wo ye fe futi *élaé jam, *élaé argent, anyu mbe'e nyô a ne mongô, a moné fône jé. Mba'ale akum a nga bo ane Yôsep a nga jô nye.
3Mametyé, nné ane *môs ô nga kui, be nga suu bôte bete be ke a bijakase biap. 4Valé be kôlôya tison, ve be ngenane teke ke ôyap, éyoñe Yôsep a nga jô mba'ale akume na: Kôlô'ô si, tôñôk bôte bete a koone be. Wo ye jô be na: Amu jé mi bulaneya *abé señe mvaé' 5Ye sa *élaé te e nje masa a nyu été a sa nje a belane je asu ya yeme mam y'akiti? Mia te bo *abé ya bo nalé. 6Mba'ale akum a nga koone be a ba'alane be mejô mete. 7Be nga yalane nye na: Amu jé masa wom a kobô nalé? Bebo bisaé bôé be se nguleya bo avale jame te 8e too ke na bi nga bulan wo moné bi nga koone nye e menyu mimbe'e miangan bi so'o Kanaan; bi mbe nguleya wube argent nge or aya e *nda masa wôé' 9E môte ya bebo bisaé bôé ba ye koon a bili jôm éziñ a wo'ok, a biabebiene ke bi bo'ok alo masa wom! 10Mba'ale akum a nga yalane na: Nalé, ma zu bi mia nkobô wônane miabebien! Nyô ba ye koon a bili jôm éziñ a ye bo *ôlo viam, a mia mia ye ke *mvo'é. 11Môt ase a nga ji'a suu mbe'e wé si a yoé wô. 12Mba'ale akum a nga vune mie, ataté nya môtô a kui nyô a dañe mongô; a a nga koon *élaé e mbe'e Bényamin. 13Be nga nyabe mengômesane map, môt ase a nga beta beté mimbe'e éjakase jé yôp, a be nga bulan e tison.
14Yuda a bobenyañ be nga bulan e ndaa Yôsep, a koon a ngenan été, be nga ku si asu dé. 15Yôsep a nga jô be na: Za jame mi nga bo di? Ye mi mbe teke yeme na, môt, ane ma, a bili nguleya yeme mam y'akiti' 16Yuda a nga yalane na: Me jô masa wome jé? Me jô aya? Bi ne kale biabebien aya? Zambe a te koone bebo bisaé bôé ékob été. Bia bana bi ntoo belo be masa wom, bia a nyô fe ba te koon a bili *élaé. 17Eyoñe te Yôsep a nga jô na: Me se nguleya bo nalé! E môte ba te koon a bili *élaé e nye a ne *ôlo viam; ve mia, kelane *mvo'é e be ésoo wônan.
Yuda a ye'elane Yôsep ajô Bényamin
(Met 42:29-38; 43:1-14)
18Eyoñe Yuda a nga zu nye bebé a jô na: Engôngo, a masa wom, kañese'e na mbo ésaé wôé a kobô wo, a na ayaa dôé e bo'o te yôñe nyôle mbo ésaé wôé! Amu ô ne ane Faraoñ. 19Masa wom a te sili bebo bisaé bé minsili a jô'ô na: Ye mi bili ésaa, nge monyañ' 20Bia te yalane masa wome na: Bi bili nnôm ésaa, a mone mojañ, ntume nnôme wé, monyañ wé a wuya; e nye étam a li'iya abume nyia, a ésaa *a nye'e nye. 21Wo te jô bebo bisaé bôé na: Bo'one na a siliki be ma, me yene nye a mise mam mamien. 22Bia te yalane masa wome na: Mongô a se nguleya li'i ésaa; nge a li'i nye, ésaa a ye wu. 23Wo te jô bebo bisaé bôé na: Nge mone monyoñe wônan a bo te sis a mia, mia ye bo te beta yen asu dam. 24Eyoñe bi nga beta bete be mbo ésaé wôé, ésaa wom, bi nga kate nye nkobô masa wom. 25Esaa wongan a nga jô na: Bula'an, kusane bia abe bidi. 26Bi nga yalane na: Bi se nguleya sis; ve nge mone mojañ a ne a bia, bia ye sis, amu bi se nguleya yen asu môt ate, vengevenge ve mone mojañe wongan a ne a bia. 27Mbo ésaé wôé, ésaa wongan a nga jô bia na: Mia yeme na minga wom a nga biaé ma bone bebaé. 28Wua a kôlôya *nda jam, ma buni, teke selane na, be nga nyabe nye bifus, amu me nji nye beta yen a kui éyoñe ji. 29Nge mia beta nyoñe ma e nyôna, a nge mbia atemetema jam a kui be nye, mia ye bo me na me sise bifumulu bisile biam étaba'a miñwuan e bidim été. 30Eyoñe ji, nge ma bulane be mbo ésaé wôé, ésaa wom, a nge mongô a nji bo a bia, mbôlô nsisime wé ô ne nlatan a éñwé, 31a ye wu, éyoñ a ye yene na mongô a nji bo valé. Bebo bisaé bôé be boya éyoñe te na bifumulu bisile bi mbo ésaé wôé, ésaa wongan, bi sis étaba'a miñwuan e bidim été. 32Amu ma, mbo ésaé wôé, me nga nyoñe mbe'e mongô, éyoñ me nga jô ésaa wome na: Nge ma bo te bulane nye be wo, ma ye be'e mekua e be ésaa wom nnôm éto! 33Eyoñe ji, ma ye'elane wo: Mbo ésaé wôé a liki'i, éjiane mongô, ane *ôlo masa wom, a na mongô a betek a bobenyañe béé. 34Ma ye bete be ésaa wom aya, nge mongô a nji bo a ma? Aa! Mise mam me bo'o te fombô bidime bia ye kui be ésaa wom!
Tans Gekies:
Met 44: BDCB
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Bible en langue Bulu © L'Alliance Biblique du Cameroun, 2007, 2015.
