Yohana 5
5
1Hanuma na genaya yavagiho sikukulu ya Vayahudi na Yesu walinaga kuja ku Yerusalema. 2Alisi mu Yerusalema bihi na muvita gwa ngʼholo liliho itava, mu kiebrania lina lyalyo: Betesda, nalyo lili na mavukumbo atano ga vuzyungula. 3Mwenumo valwile vingi valalaga: vahofu, valema, vagwa makono na magulu, valindilaga minzi gavulungwe. 4Kwisi matungo gamo malaika wikaga na wingilaga mwitava na wagavulungaga minzi; na haho ulu minzi gavulungilwe, homwene wingilaga mbele na mbele wapilaga vulwile uvo wadimilwe navo. 5Na munhu umo wavagiko homwene wavagi musakazu myaka makumi adatu na mnane. 6Aho Yesu wamuvonaga alilala sisyo, na wamanikaja ati wamalaga sisyo nsiku ningi, alimuwila, 7Ulitogwa kupila? Musakazu wamuwilaga, Guku, nkavile na munhu wa kunfila mwitava ulu minzi galivulungwa, alisi itungo lyenilo ndiza kwingila nene, ungi alintangila kwingilamo. 8Yesu wamuwilaga, Uvuke na uvuche vulili wako na usimize! Na itungo lili munhu wapilaga na wasolaga vulili wakwe na wajaga. 9Alisi yavagi sabato lusiku lwenulo. 10Kunguno yeniyi Vayahudi vamuwilaga uyo mupiziwa,
Lelo sabato na mwiko kuwako kuvusomba vulili wako. 11Nawe wavitavukaga, Uyo wampizaja homwene 12wambwilaga, Uvuche vulili wako na usimize. Vamuvuzaja, Nani munhu mwenuyo homwene wakuwilaga, 13Uvuche vulili wako na usimize? Alisi uyu mupiziwa wavagi akamanikizye wali nani, kwisi Yesu wihegaga kunguno vanhu vingi vavagiho henaho. 14Hanuma na genaya Yesu wamuvonaga mwisengelo na wamuwilaga, Lolaga, veve wapilile, ukakenagule ngʼo hangi, kwigela 15ngʼo kavi kahanya kukila ka mbele kakukwilile. Na uyu munhu wajaga na wavawilaga Vayahudi ati mwenuyo wamupizaja ali Yesu. 16Na kunguno yeniyi Vayahudi vamukwizizaja Yesu mihayo, kunguno witaga yeniyi ha sabato. 17Alisi uyu wavitavukaga, Vava alitumama kusika lelo, nane nditumama. 18Kunguno yeniyi Vayahudi vakovaga munogwene kumuvulaga, kwisi akayivinzile sabato duhu, sumbwa wamwitanaga Mulungu vava na wivezaja mwenekili savasava na Mulungu.
19Yesu witavukaga, uvawila, Yalole, yalole ndimuwila inwe, Mwana akakovolile kuvezya kinhu ku nguzu zyakwe mwenekili, sumbwa cheniki alivona Vava alikivezya; kwisi icho uyo alivezya chenicho Mwana mwene alivezya. 20Kwisi Vava alimutogwa Mwana na alimolecha gose genayo alivezya mwenekili, na akumolecha milimo mihanya kukila yeniyi kigele inwe mukumye. 21Kwisi kitisi Vava alivahembucha vafwile na alivazuvucha, sisyo Mwana mwene alivazuvucha avo alikova. 22Kwisi Vava akavile kumuyangula munhu 23sumbwa vuyangu vose wamupaga Mwana, kigele vose vamukuzye Mwana kitisi valimukuzya Vava. Homwene akavile kumukuzya Mwana, akavile kumukuzya Vava homwene wamutumizaja. 24Yalole, yalole ndimuwila inwe, Homwene aligwigwa muhayo gwane na alimusanizya mwenuyo wantumizaja, ali na vuzuvuku wa hanahana na kufika ngʼo mu kitanga, sumbwa wafumile mu lufu na wingililaga mu vuzuvuku. 25Yalole, yalole ndimuwila inwe, Itungo liliza na liliho lelo aho vafwile vakugwigwa muzwi gwa Mwana wa Mulungu, na avo vakugwigwa vakuzuvuka. 26Kwisi kitisi Vava ali na vuzuvuku muwakwe mwenekili, sisyo sisyene wamupaga Mwana kuvi na vuzuvuku muwakwe mwenekili. 27Na wamupaga vukovozi kutema kitanga, kunguno ali Mwana wa Munhu. 28Mukakumye ngʼo kunguno yeniyi, kwisi itungo liliza aho avo vose valimo mu fivimbi vakugwigwa muzwi gwakwe na vakufuma, 29avo vitaga tusoga ku vuhembuke wa vuzuvuku, navo vitaga tuvi ku vuhembuke wa kitanga.
30Nene nkakovolile kuvezya kinhu ku nguzu zyane; kitisi ndigwa sisyo nditema kitanga, na vuyangu wane vuli vugololoku, kwisi nkavile kukova kikowa chane, sumbwa cha mwenuyo wantumizaja. 31Ulu ndisangilwa kunguno yane mwenekili, vusangilwaho wane vukagelanilile. 32Aliho ungi alisangilwa kunguno yane, na ndimanicha ati vusangilwaho wakwe kunguno yane vuli wa lole. 33Inwe mwatumizaja kumwa Yohana, nawe wasangililwe genayo gali ga lole. Nene nkavile kuwanukula vusangilwaho ku munhu umo, alisi genaya ndiyomba kigele inwe mupiziwe. 34Uyo wavagi tala 35yilivaka na yilela, na inwe mwakovaga akwihalala katungo kado mu mwanga gwakwe. 36Alisi ndi navo vusangilwaho vuhanya kukila uvo wamwa Yohana. Kwisi milimo iyo Vava wampaga kigele nayimalizye, milimo yeniyi ndivezya yilisangilwa kunguno yane ati Vava wantumizaja nene. 37Na Vava homwene wantumizaja wasangilagwa kunguno yane; inwe mutali kugwigwa muzwi gwakwe ninga ngʼo kuguvona musimo 38gwakwe, na muhayo gwakwe mukavile nago mu myoyo yinwe, kunguno mukamusanizizye mwenuyo wamutumizaja.
39Mugikomekezye mavutone kunguno muliganika mugati nago mukuvi na vuzuvuku wa hanahana, na gali genaya galisangilwa kunguno ya nene. 40Inwe mukakovile kwiza kuwane kigele muve na vuzuvuku, 41-42Nene nkavile kwanukula isima ku vanhu, alisi namumanikaja ati mukavile nako kutogwa kwa Mulungu muwinwe. 43Nene nizile mu lina lyamwa Vava na mukavile kunanukula nene; ulu ungi aliza mu lina lyakwe mwenekili, mwenuyo mukumwanukula. 44Lumehoki mulikovola kusanizya hovene muliwikuzya umo na umo, alisi isima lilifuma kumwa Mulungu mukavile kulikova? 45Mukiganike ngʼo ati nkumuvula inwe kumwa Mulungu; umo aliho homwene alimuvula inwe, Mose, homwene mwamwisigizaja. 46Kwisi ulu mbe mwamusanizaja Mose, mbe mwansanizaja nene, kwisi uyo watonaga kunguno yane. 47Alisi ulu mukavile kugasanizya mavutone gakwe, lumehoki mukuyisanizya mihayo yane?
Tans Gekies:
Yohana 5: Nym51
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Nyamwezi New Testament © Bible Society of Tanzania, 1951.
