Yohana 21
21
1Hanuma na genaya Yesu wifumbulaga hangi hambele na vahemba vakwe ha nyanza ya Tiberia, nawe wifumbulaga giki. 2Simoni Petro na Toma, homwene alitanwa Mavasa, na Natanaeli muna Kana mu Galilaya na vana vamwa Zebedayo na vangi vavili va vahemba vakwe vavagi hamohene. 3Simoni Petro alivawila, Nene ndija kukalova. Valimuwila, Iswe vene tukuja naʼho. Vafumaga na vingilaga mu wato, na vuziku wenuvu vakalovile kinhu. 4Aho wangalukaga Yesu wimaga hanguka, alisi vahemba vakamanikizye ati mwenuyu ali Yesu. 5Haho Yesu alivawila, Vana, 6muli nacho chakulya? Vamwitavukaga, Byololo. Alivawila, Muvuponezye vukila ha lwande lwa mulila gwa wato na mukuvona. Haho vavuponezaja na vavagi vakakovolile kuvuduta kunguno ya wingi wa masomba. 7Haho muhemba uyo, homwene Yesu amutogilwe, alimuwila Petro, Mwenuyu ali Guku. Haho Simoni Petro, aho wigagwa ati mwenuyu ali Guku, wazwalaga igwanda lyakwe (kwisi wavagi duhu), wiponezaja mu nyanza. 8Vahemba vangi vizaga mu wato, kwisi vavagi vakavile kule na nguka, hamo makono magana 9avili, na vavudutaga vukila wa masomba. Aho vafumaga ha nguka vaguvonaga moto gwa makala gupembilwe na masomba gatulilwe higulya, na mukate gwene. 10Yesu alivawila, Mulete henaha ku masomba genaya mwagalovaga. 11Simoni Petro wingilaga mu wato na wavudutaga vukila ha nguka, wokalile masomba mahanya igana na makumi atano na adatu; na nulu gavagi mingi vukila vukatandukile. 12Yesu alivawila, Mwize mulye. Alisi kuduhu umo wa vahemba wagimaga kumuvuzya, Veve uli nani? kwisi vamanikaja ati ali Guku. 13Yesu aliza na aligusola mukate na 14alivapa venava, na masomba savasava. Kenako kavage ka vudatu Yesu wifumbulaga hambele na vahemba vakwe hanuma na kuhembuka ku lufu.
15Aho vamalaga kulya Yesu wamuwilaga Simoni Petro, Simoni mwana Yohana, ulintogwa nene muno kukila venava? Alimuwila, Ahene Guku, ulimanicha ati ndikutogwa. 16Alimuwila, Utudime tudilana twane. Alimuwila ka vuvili, Simoni mwana Yohana, ulintogwa nene muno? Alimuwila, Ahene Guku, ulimanicha ati ndikutogwa. 17Alimuwila, Utudime tukolo twane. Alimuwila ka vudatu, Simoni mwana Yohana, ulintogwa nene? Petro wasayaga kunguno wamuwilaga ka vudatu, Ulintogwa nene? na alimuwila, Guku, uligamanicha gose, ulimanicha ati ndikutogwa. 18Alimuwila, Utudime tukolo twane. Yalole, yalole ndikuwila veve, aho wavage musumba winyepage mwenekili na wajage uko wakovage, alisi ulu ukunamhaluka ukugolola makono gako na ungi akukunyepa na akukufila kwenuko ukatogilwe. 19Genaya wayombaga kumolecha na lufu ulo alamukumuche Mulungu. Na aho wayombaga 20genaya wamuwilaga, Undonde nene. Petro wikevelaga, wamuvonaga muhemba mwenuyo Yesu amutogilwe alondile, homwene ha chakulya cha mhindi wasendamilaga ha kikuva chakwe na wayombaga, 21Guku, nani ali mwenuyo alikugamba? Aho Petro wamuvonaga mwenuyo, alimuwila Yesu, Guku, na 22mwenuyu kinahe? Yesu alimuwila, Ulu nene ndikova mwenuyu adile kusika ndize, kinahe, yili milimo 23yako? Veve undonde nene! Haho muhayo gwenugu gwakumukaga mugati na vadugu ati, muhemba mwenuyu kufwa ngʼo; alisi Yesu akayombile ati, mwenuyu kufwa ngʼo, sumbwa, Ulu nene ndikova mwenuyu adile kusika ndize, kinahe, yili milimo yako?
24Uyu ali muhemba mwenuyo alisangilwa ku genaya na wagatonaga, na tulimanicha ati vusangilwaho wakwe vuli wa lole.
25Alisi galiho na gangi mingi hogene Yesu wavezaja, na mbe gose gatonwe gumo gumo, ndiganika ati ninga liwelelo lyose kukovola ngʼo kufidima fitabu ulu mbe fyatonwa.
Tans Gekies:
Yohana 21: Nym51
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Nyamwezi New Testament © Bible Society of Tanzania, 1951.
