Yohana 20
20
1Na lusiku lwa mbele lwa yuma Maria Magdalena aliza handiyu ku kivimbi hatali hapi, na alivona iwe lingivilwe ku kivimbi. 2Haho alipela na aliza kumwa Simoni Petro na ku muhemba ungi, mwenuyo Yesu wamutogilwe, na alivawila, Vamwingaja Guku mu kivimbi na tukamanikizye uko vamutulaga. 3Haho Petro wafumaga na muhemba mwenuyo ungi na vajaga ku kivimbi. 4Na avo vavili vapelaga hamohene, na muhemba mwenuyo ungi wapelaga wangu kukila Petro 5na wafikaga hambele ha kivimbi; na aho wakundamaga 6wayivonaga sanda yitulilwe, alisi akingilile. Haho Simoni Petro aliza amulondile uyo, na wingilaga mu 7kivimbi na wayivonaga sanda yitulilwe, na kitambala icho chavage ku mutwe gwakwe, kikatulilwe hamohene na sanda, sumbwa kigondilwe na kitulilwe heke hamhelo. 8Haho muhemba ungi mwene, uyo wafikaga hambele ha kivimbi, nawe wingilaga na wavonaga na wasanizaja. 9Kwisi vavagi vatali kumanicha vutone 10ati, yamudima mwenuyu ahembuke. Haho vahemba vasyokaga hangi ku kaya.
11Alisi Maria wimaga hanze ha kivimbi alilila; aho wavagi atali alilila wakundamaga mu kivimbi, 12na wavavonaga vamalaika vavili vazwalile myenda ya pe, vikalile umo ha mutwe na ungi ha magulu henaho muvili gwamwa Yesu gwavage gulalile. 13Avo valimuwila, Mukima, kuki ulilila? Alivawila, Vamwingaja Guku wane, na nkamanikizye uko vamutulaga. 14Aho wamalaga kuyomba genaya wikevelaga na wamuvonaga Yesu imile, na akamanikizye ati uyu ali Yesu. 15Yesu alimuwila, Mukima, kuki ulilila? Ulimukova nani? Uyu wiganikaga ati mwenuyu ali mulindilizi wa bustani, na alimuwila, Guku, ulu veve wamwingaja umbwile uko 16wamutulaga, na nene nkumusola. Yesu alimuwila, Maria! Uyu wikevelaga na alimuwila, Rabuni, nguno 17yayo, Muhembeki. Yesu alimuwila, Uleke kunkumya nene, kwisi ntali kulina kumwa Vava wane na Vava winwe, kumwa Mulungu wane na Mulungu winwe. 18Maria Magdalena alija na alivapozezya vahemba ati wamuvonaga Guku, na kitisi wawilagwa nawe genaya.
19Ha mhindi ya lusiku lwenulo lwa mbele lwa yuma, aho mizigo zyalugalilwe mwenumo vahemba vikalile kunguno vavogohaga Vayahudi, Yesu wizaga na wimaga hagati na alivawila, Kuhola kuve hamohene 20ninwe! Na aho wamalaga kuyomba genaya, wavolekaja makono na luvazu. Haho vahemba vadehaga aho vamuvonaga Guku. 21Haho Yesu wavawilaga hangi, Kuhola kuve hamohene ninwe! Kitisi Vava wantumizaja nene, sisyo nene mwene ndimutumizya inwe. 22Aho wayombaga genaya, wavafulilaga na alivawila, Muyanukule Roho Nsondo. 23Ulu inwe mulimutondola umo mavukenaguzi, mwenuyu watondolilwe genaya; ulu inwe mulimutungila umo, mwenuyu watungilililwe genaya.
24Alisi Toma, umo wa ikumi na vavili, homwene alitanwa Mavasa, wavagi akavileho hamohene navo aho Yesu wizaga. 25Haho vahemba vangi vamuwilaga, Twamuvonaga Guku. Nawe wavawilaga, Ulu nene nkavuwine vudule wa misomali mu makono gakwe na nkatulile lyala lyane mu vudule wa misomali na nkatulile kukono kwane mu luvazu lwakwe, nene kusanizya ngʼo na hado ngʼo.
Hanuma na nsiku mnane vahemba vakwe vavagi mwenumo na Toma hamohene navo. 26Yesu aliza aho mizigo zyalugalilwe na wimaga hagati navo, uhaya, 27Kuhola kuve hamohene ninwe! Haho alimuwila Toma, Ulete lyala lyako henaha na ulole makono gane, na ulete kukono kwako na ukutule mu luvazu lwane, na 28uleke kuvi wʼivengwe, sumbwa usanizye. Toma witavukaga na wamuwilaga, Guku wane na Mulungu wane! 29Yesu alimuwila, Kunguno veve wambonaga wasanizaja; velukilwa venava valisanizya nulu vakawine.
30Na Yesu witaga migaka mingi hambele na vahemba vakwe hoyene yikatonilwe mu kitabu cheniki. 31Alisi genaya gatonilwe kigele musanizye ati Yesu ali Kristo, Mwana wa Mulungu, na kigele mugati na kusanizya, muve navo vuzuvuku mugati na lina lyakwe.
Tans Gekies:
Yohana 20: Nym51
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Nyamwezi New Testament © Bible Society of Tanzania, 1951.
