Yohana 19
19
1Haho Pilato wamusolaga Yesu na wamutulaga milanga. 2Na valugaluga vayigovengʼhanaja ngala ya mingʼhwa na vayitulaga ku mutwe gwakwe na vamuzwikaga mwenda gwa za, na vizaga kuwakwe, vuhaya, 3Tulikugisya veve mutemi wa Vayahudi, na vamutulaga mapi. 4Hangi Pilato wafumaga hanze na alivawila, Lolagi, nene ndimufumya uyu hawinwe kigele mumaniche ati, nene nkaguwine musango gumo kuwakwe. 5Haho Yesu wafumaga hanze azwalile ngala ya mingʼhwa na mwenda gwa za; na Pilato alivawila, Lolagi munhu 6uyu! Aho vahozya vahanya na vakumba vamuvonaga, vahamukaga muno, Umukomele, umukomele ku musigiti! Pilato alivawila, Inwe mumusole na mumukomele ku musigiti, kwisi nene nkaguwine musango kuwakwe. 7Vayahudi vamwitavukaga, Tuli nayo ngʼhama, na hanuma na ngʼhama yeniyi yilimudima uyu afwe, kunguno wivezaja mwenekili kuvi mwana wa Mulungu. 8Aho Pilato wagwigagwa muhayo gwenugu wogohaga munogwene, 9wingilaga hangi mu numba ya Serikali na alimuwila Yesu, Veve wafumile kuhe? 10Alisi Yesu akamwitavukile muhayo. Pilato alimuwila, Veve ukavile kuyomba na nene? Ukamanikizye ati ndi na vukovozi wa kukutungula na vukovozi wa kukukomela? 11Yesu witavukaga, Veve ukavile na vukovozi kwigulya na nene ulu mbe vukapanilwe kuwako kufuma kwigulya; kunguno yeniyi mwenuyo homwene wanfumaja nene kuwako ali na vukenaguzi vuhanya kukila veve. 12Kufuma henaho Pilato wakovaga kumutungula, alisi Vayahudi vahamukaga muno, vuhaya, Ulu veve ulimutungula mwenuyu ukavile munwani wa Kaisari; homwene aliwivezya mwenekili kuvi mutemi alimwikana Kaisari. 13Aho Pilato wigagwa mihayo yeniyi wamufumaja Yesu hanze na wikalaga kwisumbi lya kitanga henaho hitanilwe, Ivalazya 14lya mawe, na mu kiebrania, Gabata. Na lwavagi lusiku lwa kwivezelezya ha Pasaka, mwitungo lya saa sita. Na alivawila Vayahudi, Lolagi mutemi winwe! 15Navo vahamukaga muno, Umwinje, umwinje! umukomele ku musigiti! Pilato alivawila, Mutemi winwe namukomele ku musigiti? Vahozya vahanya vitavukaga, Tukavile na mutemi sumbwa Kaisari duhu. 16Haho wamufumaja mu makono gavo, kigele akomelwe ku musigiti.
17Haho vamusolaga Yesu, nawe widwikaga mwenekili musigiti gwakwe na wajaga henaho hitanilwe Hakapanga, 18hohene halitanwa mu kiebrania Golgata; henaho vamukomelaga ku musigiti na hamohene nawe 19vangi vavili, kunu na kunu na Yesu hagati. Alisi Pilato walutonaga lumanyilo na walukomaga ku musigiti, na lutonilwe giki, Yesu muna Nazareti, mutemi wa Vayahudi. 20Na Vayahudi vingi valusomaga lumanyilo lwenulu, kunguno henaho Yesu wakomelilwe havagi bihi na kaya; lutonilwe mu kiebrania na kiroma na kigriki. 21Haho vahozya vahanya na Vayahudi vamuwilaga Pilato, Uleke kutona, Mutemi wa Vayahudi, sumbwa kitisi wayombaga, Ndi mutemi wa Vayahudi. 22Pilato witavukaga, Hogene nagatonaga, nagatonaga.
23Aho valugaluga vamukomelaga Yesu ku musigiti, vayisolaga myenda yakwe na vavezaja mafungu anne, homwene mulugaluga na ifungu lyakwe, nayo nhanzo yene. Alisi nhanzo yavagi yikasumilwe, sumbwa kufuma higulya yitalazivilwe vuliko. 24Haho vayombaga hamohene, Tuleke kuyitandula yeniyi, sumbwa twese kavale kunguno yayo, tumaniche yive yamwa nani; kigele vutone vufikile,
Vagavanaga myenda yane na vesaga kavale kunguno ya kizwalo chane.
Na valugaluga vitaga syenisyo. 25Na bihi na musigiti gwamwa Yesu vimaga nina na muduguye wamwa 26nina, Maria wa Klopa na Maria Magdalena. Aho Yesu wamuvonaga nina na muhemba mwenuyo amutogilwe vimile bihi, wamuwilaga nina, Mayu, lolaga 27mwana wako! Haho wamuwilaga muhemba uyo, Lolaga noko! Na kufuma itungo lyenilo muhemba wamwanukulaga mu numba yakwe.
28Hanuma na genaya aho Yesu wamanikaja ati gose gamalile kumaziwa, kigele vutone vufikile, wayombaga, Ndikolwa nota. 29Na kiseme chokalile na siki chavagiho, na valitulaga ibuhyo lyokalile na siki kwisununu na valifilaga ku mulomo gwakwe. 30Aho Yesu wayisolaga siki wayombaga, Yamalaho, na watunaja mutwe na wadahaja moyo.
31Kunguno lwavagi lusiku lwa kwivezelezya Vayahudi vamulombaga Pilato magulu gavo gavinzwe na vingiwe, kwigela ngʼo mivili yidile ku musigiti ha sabato, kwisi sabato yeniyi yavagi nhanya. 32Haho valugaluga vizaga na vagavinzaga magulu ga wa mbele na wa vuvili ga venavo vakomelilwe nawe ku musigiti. 33Alisi aho vafikaga kumwa Yesu vavonaga ati mwenuyu wamalaga kufwa, na vakagavinzile magulu gakwe; 34alisi umo wa valugaluga wamukimaga nʼikimu mu 35luvazu, na itungo lili magazi na minzi gafumaga. Na mwenuyu wayivonaga yeniyi wasangilagwa ati aliyomba loleyene, 36kigele inwe musanizye. Alisi yeniyi yakwilaga, kigele vutone vufikile, Kuduhu iguha livinzwe ha mwenuyu. 37Na hangi vutone vungi vuliyomba, Vakumwilolela mwenuyo vamukimaga.
38Hanuma na genaya Yosefu muna Arimatia, homwene wavagi muhemba wamwa Yesu, alisi mu lwiviso kunguno wavogohaga Vayahudi, wamulombaga Pilato luhusa kugwinja muvili gwamwa Yesu; na Pilato wamupaga luhusa; haho wizaga na wagwingaja muvili gwakwe. 39Na Nikodemo, uyo wizaga hamwa Yesu hambele na mbele ha vuziku, nawe wizaga na waletaga manemane yisangilizivilwe na uvumba kusika ratli igana. 40Haho vagusolaga muvili gumwa Yesu na vaguvimbilaga mu sanda hamohene na mamigazu, kitisi kili kitilwe cha Vayahudi mu kuzika. 41Na henaho wakomelilwe yavagiho bustani na mugati nayo kivimbi kipya, na mwenumo munhu atali kulalikiziwa. 42Na kunguno ya lusiku lwa kwivezelezya kwa Vayahudi vamulalikizaja mwenumo, kwisi kivimbi chavagi bihi.
Tans Gekies:
Yohana 19: Nym51
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Nyamwezi New Testament © Bible Society of Tanzania, 1951.
