Milimo 1
1
1Mwichane Teofilo, kitabu cha mbele nakutonelaga kunguno ya gose genayo, Yesu wavukizaja kuvezya na 2kuhembeka, kusika lusiku lwenulo walinivagwa mwilunde hanuma na kuvalagila mu Roho Nsondo vatume, 3hovene wavasogolaga, ku venava wiyolekaja muzuvuku hanuma na kuduka kwakwe na mavusangilwa mingi, wigelaga kuwavo mu nsiku makumi anne, na wayombaga navo kunguno ya vutemi wa Mulungu.
4Aho wavagi hamohene navo, wavalagila valeke kufuma ku Yerusalema, sumbwa valilindile ilagano lyamwa Vava, 5holyene mwigilwe kuwane; kwisi Yohana wogaje na minzi; alisi inwe mukogiwa na Roho Nsondo hanuma na nsiku ndo.
6Aho vavagi vivilingile vamuvuzaja, vuhaya, Guku, ulivugungumula vutemi wa Visraeli hangi mwitungo 7lyenili? Nawe wavitavukaga, Yikavile kuwinwe kumanicha itungo na limi holyene Vava wakindikaga mu 8vukovozi wakwe; sumbwa mukupiwa nguzu, ulu Roho Nsondo akwiza higulya ninwe, na mukuvi vasangilwa vane mu Yerusalema na mu nsi yose ya Uyahudi na Samaria na kusika mhelo ya liwelelo. 9Aho wayombaga genaya, navo vavagi valimwilolela, walinivagwa, nʼilunde lyamwanukulaga hambele na minso gavo. 10Aho valangamilaga minso gavo kwilunde hʼitungo lya kulina kwakwe, lolaga, vagosya vavili mu myenda ya 11pe vimaga hawavo, navo vayombaga, Inwe vagosya va Galilaya, kuki mulima na mulilangamila kwilunde? Mwenuyu Yesu walinivilwe kwilunde kufuma kuwinwe, akusyoka na mutindo gwenugu, kitisi mwamuvonaga alilina kwilunde.
12Haho vasyokaga ku Yerusalema kufuma lugulu lulitanwa Lugulu lwa Maguta, holwene luli bihi na Yerusalema, kufuma kwenuko lugendo lwa sabato. 13Aho vingilagamo, valinaga ku chumba cha higulya, mwenumo vakwikalagamo; Petro na Yohana na Yakobo na Andrea, Filipo na Toma. Bartolomayo na Mateo, Yakobo mwana Alfeyo na Simoni Zelote na Yuda mwana Yakobo. 14Vose venava vajamaga na moyo gumo mu kulomba, hamohene na vakima vamo na Maria, nina wamwa Yesu, na vaduguye.
15Mu nsiku zyenizyo Petro wimilaga mugati na vadugu—yavagiho mbuto ya vanhu bihi nigana na makumi avili—na wayombaga, 16Vagosya vadugu, yagudima muhayo gufikile, gwenugo Roho Nsondo wayombaga kale ku mulomo gwamwa Davidi kunguno yamwa Yudasi, homwene wavagi kalondo wa venavo vamudimaga Yesu; 17kwisi wasolozivilwe hamohene niswe, na wapivilwe ifungu lya vukumba wenuvu. 18Uyu wagadaga mugunda ku musyahala gwa wigomu wakwe, wisunikaga na watandukaga hagati, na mavula gakwe gose gafomokaga. 19Genaya gamanikizivilwe na vazengi vose va mu Yerusalema; sisyo mugunda gwenugu gwitanagwa mu kiyombele chavo Hakeldama, kitisi mugunda gwa magazi. 20Kwisi yitonilwe mu kitabu cha Zaburi,
Wikalo wakwe vuve itongo,
Na kuduhu umo akwikalaho;
na hangi,
Ungi asole vutumami wakwe.
21Kunguno yeniyi yilimudima umo mugati na vagosya avo, hovene vatulondaga matungo gose genayo Yesu 22wingilaga na wafumaga hawiswe, kufuma koja kwamwa Yohana kusika lusiku lwenulo walinivagwa kwigulya kufuma kuwiswe, ave musangilwa kunguno ya vuhembuke wakwe hamohene niswe. 23Na vavimilikaga vavili, Yosefu alitanwa Barsaba na lina lya vuvili Yusto na Matia. 24Haho valombaga, Veve Guku, homwene uliyimanicha myoyo ya vose, utoleche nani 25wamusogolaga mugati na venava vavili, kigele awanukule vukumba na vutume wenuvu, howene Yudasi 26wavulekaga, aje nzila yakwe. Haho vesaga kavale mugati navo, na kavale kamugwilaga Matia, na mwenuyu wasogolagwa ave hamohene na vatume ikumi na umo.
Tans Gekies:
Milimo 1: Nym51
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Nyamwezi New Testament © Bible Society of Tanzania, 1951.
