OBUCHACHILO 50
50
1Mana Yosefu nakwa khu samwana namufumbeelela, niyekhuula khandi namutsunzuuna. 2Mana Yosefu nalachilisia abasilishibe mbu, basilishe omubili kwa Yakobo kho mbu, kuleshe okhubola. Mana abasilishi abo nibakusilikha. 3Babukula tsinyanga amakhumi kane okhusilikha omubili okwo, okhuba etsio nitsio tsinyanga etsiekhoonyelungwa khulwa okhusilikha omubili kwomundu oufwile. Abamisiri bekhuula Yakobo khulwa tsinyanga amakhumi musaafu.
4Ne olwa tsinyanga etsio tsiali nitsihwele, Yosefu yaboolela abeinzu yomuruchi ari, “Bulano noba niwaheela, ekhusaaya mbu, otsie oboolele omuruchi mbu, 5#Obucha. 47:29-31Papa wanje yakhola isie okhwitsuba naboola ari, ‘Isie endi ahambi okhufwa, okhuula uyabile mushilindwa eshia isie omwene ndayaba mushialo shia Kanani.’ Khulweshio emusaaya mbu, nachama yandeshe enzie eyabile papa wanje, mana nemalile ndalachelela.” 6Mana omuruchi namukalusia ari, “Tsia oyabile papawo shinga olwa yakhukhola okwitsuba.” 7Kho Yosefu natikulukha natsia okhuyabila samwana, halala nende abakhalabani bomuruchi boosi, abakhulundu, nabakhulundu bomushiina shiomuruchi, nende abakhulundu beshialo shia Misiri. 8Abeinzu yabwe Yosefu halala nende abasiani babwe Yosefu nende abeinzu ya Yakobo, boosi batsia okhuyabila Yakobo. Habula abaana bonyene nende emiruko chiabwe nibio ebiatong'a inyuma mu Gosheni. 9Ne abandu abatsia nende Yosefu khumakari nende abetsifarasi bali abanji muno. 10Ne olwa boola mulwanyi lwabahuulilangakhwo imele, oluli Atadi injelekha womwalo kwa Yorodani, bekhuulila habwene yaho okhwikhuula khweshibeela eshikhongo muno. Mana Yosefu nakhola amasika ka samwana khulwa tsinyanga musaafu.
11Ne olwa Abakanani balola okhwikhuula khwali mulwanyi lwabahuulilangamwo imele, oluli Atadi, baboola bari, “Okhwikhuula khuno nokhweshibeela muno khu Abamisiri.” Khulweshio, habundu yaho hakulikhwa mbu, Abeli-Miziraimu#50:11 Abeli-Miziraimu: eshisina mbu, okhwikhuula okhwa Abamisiri. ahali injelekha womwalo kwa Yorodani. 12Abasiani ba Yakobo, bamukholela shinga olwa yali niyabalachilisia okhukhola. 13#Ebikh. 7:16Bamuchinga okhurula mushialo shia Kanani ne nibamuyabila mumbinga eyili mumukunda kwa Makipela, ebukwe wa Mamure, okwa Aburahamu yakula okhurula khu Efuroni Omuhiti mbu, kube okwokhuyabilangamwo abandube abafwile. 14Olwa Yosefu yali namalile okhuyabila samwana, yakalukha Misiri nende abasiani babwe nende boosi aba yali natsiile ninabo okhuyabila samwana.
Yosefu arusiaho obuhendi bwabasiani babwe
15Olwa abasiani babwe Yosefu balola mbu, sabwe afwile, abandi khubo baboola bari, “Kanyala okhuba mbu, Yosefu atsia okhukhusila nende okhukhurunga amabi koosi akakhwamukholela?” 16Kho nibarumana likhuwa khu Yosefu nibaboola bari, “Papawo yalachilisia nashili okhufwa ari, 17‘Boolela Yosefu mbu, emusaayile mbu, aleshele abasiani babwe koosi akabamukholela, abaleshele obwonooni bwabwe, shichila bakhukholela amabi!’ Ne bulaano khukhusaaya mbu, okhubeele obwonooni bwabasumba ba Nyasaye wa papawo bakhukholela iwe.” Olwa yahulila amakhuwa ako, Yosefu yalila. 18Abasiani babwe khandi boosi nibetsa nibakwa mumakuluke ne nibaboola bari, “Khuli abasumbabo.” 19Nebutswa Yosefu yababoolela ari, “Shimularie ta, nasi ekhali Nyasaye? 20Khulwenywe, mwaparanga mbu, mukholelanga amabi, nebutswa Nyasaye yakakhola okhuba amalayi, yakakhola kho mbu, abandu abanji babeho mwoyo shinga olwa baliho bulano. 21Kho shimularie ta, ndalamuhelesia ebia mwenya, inywe, halala nende abaana benywe.” Kho nabahotselesia khandi nabalemia emioyo.
Okhufwa khwa Yosefu
22Kho Yosefu namenya Misiri, ye nende abeinzu ya samwana boosi. Naye namenya emiyika eshikhumi shilala nende ekhumi. 23Yosefu yamenya okhuula nalolakhwo abaana ba Efuraimu nende etsukhulube. Khandi yamenya okhuula olwa yalolakhwo nende okhwinjisia abaana ba Makiri, omwana wa Manase mubomunzuye.
24Mana Yosefu naboolela abaana babwe ari, “Endi ahambi okhufwa, nebutswa Nyasaye alamulinda inywe, mana amwimilile okhurula mushialo shino, namuyila mushialo shia yetsuba khuhelesia Aburahamu, Isaka nende Yakobo.” 25#Okhur. 13:19; Yos. 24:32; Abaheb. 11:22Mana Yosefu niyetsubila abaana babwe naboola ari, “Olwa Nyasaye yakhamwimilile okhutsia mushialo eshio, okhuula mulichinga amakumba kanje mwatsia ninako.” 26Mana Yosefu nafwa nali nemiyika eshikhumi shilala nende ekhumi. Nibasilikha omubilikwe, nibakubiikha mwisanduku mushialo shia Misiri, khulwokhukuyabila.
Tans Gekies:
OBUCHACHILO 50: OLUDC
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
