OKHURULA Okhumanyisia akalimwo
Okhumanyisia akalimwo
Eshitabu eshia Okhurula, neshiakhabili mubitabu ebia Indakano Ikhulu, eshiambeli neshitabu eshia Obuchaachilo. Amakhuwa mbu, “Isie nisie OMWAMI Nyasaye wenywe, nisie owabarusia inywe mushialo shia Misiri, ewa mwali abasumba” (20: 20), karalanga khwikhuwa likhulundu lieshitabu shino mbu, Nyasaye niye omuhonia wabandube.
Eshitabu shino shinoosinjia likhuwa likhongo muno eliekholekha mubulamu bwabandu ba Isiraeli mbu, okhurusibwa khwabwe mumbohe mushialo shia Misiri, okhwambukha inzanza Inzakhanyu khwabwe nende oluchendo lwabwe lwomushitsiimi okhuula khushikulu shia Sinai.
Nibali khushikulu shia Sinai, OMWAMI Nyasaye yelolesia khubo, ne natinyisia obuhambaanibwe ninabo khulwa okhubareeraho indakanoye nende injila yabanyala okhutinyisiliamwo obuhambaani obwo, injila eyo yali eyamalako ekhumi nende amalachilisio kandi akalondokhana nende shinga olwa banyala okhumenya.
Musa niye weshitabu shino shiboolagakhwo muno. Musa yanyoola omulango okhurula khu Nyasaye mbu, yemilile Abaisiraeli okhurula mushialo shia Misiri. Ye alolekhanga mushitabu shino okhuba omubooli mushilenje shia Nyasaye khubandu ba Isiraeli. Musa yemilila abandu ba Isiraeli muluchendo mushilenje shia Nyasaye khandi nabamanyisia akokhwenya khwa Nyasaye.
Akalimwo mubwimbichiti
Abaisiraeli balekhulwa okhurula Misiri 1:1–15:21
(a) Abasumba mushialo shia Misiri 1:1-22
(b) Okhwibulwa khwa Musa nende obulamu bwoburaakabwe 2:1–4:31
(c) Musa nende Haroni batsia khumuruchi wa Misiri niboonile imoni 5:1–11:10
(d) Lisabo lia Pasaka nende okhwinyokha okhurula mushialo shia Misiri 12:1–15:21
Okhurula khunyanza Inzakhanyu okhuula khushikulu shia Zayuni 15:22–18:27
Amalako nende indakano 19:1–24:18
Liheema elia Indakano nende amebaalo kokhwinamila Nyasaye 25:1–40:38
Tans Gekies:
OKHURULA Okhumanyisia akalimwo: OLUDC
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan