Psalms 139:13-24

Ja, dit is U wat my gemaak het, 'n mens wat kan voel en dink. U het my hele liggaam gemaak voordat ek gebore is. Ek wil vir U dankie sê, want ek word bang wanneer ek sien hoe wonderlik U my gemaak het. Alles wat U doen, is wonderlik, ek weet dit baie goed. U het geweet van elke been in my liggaam toe U my gemaak het waar niemand dit gesien het nie, toe U my gemaak het in die liggaam van my ma. U het my gesien voordat ek gebore is. Ek was nog nie een dag oud nie, toe het U klaar in u boek geskryf hoe lank ek sal lewe. O God, die dinge waaraan U dink, is vir my baie moeilik, ek kan dit nie verstaan nie, en U dink aan so baie dinge. As ek dit alles probeer tel, dan is dit meer as sand, en wanneer ek geslaap het en wakker word, dan dink ek nóg aan U. O God, ek bid dat U die mense moet doodmaak wat verkeerd doen. U moet die moordenaars laat weggaan van my. Hulle is u vyande, hulle sê slegte dinge teen U, en hulle is opstandig teen U. Ek haat die mense wat vir U haat, ek hou niks van mense wat opstandig is teen U nie. Ek haat hulle met my hele hart, hulle is my vyande. O God, U moet diep in my kyk, U moet weet wat binne-in my hart is, U moet my toets, U moet weet wat ek dink. En U moet help dat ek nie so lewe dat ek seerkry nie, U moet my lei op die pad na U toe.

Gratis leesplanne en oordenkings oor Psalms 139:13-24