JENESIS 9
9
Ka jutang U Blei bad u Noah
1 #
Jen. 1:28
U Blei u la kyrkhu ïa u Noah bad ïa ki khun shynrang jong u, bad u ong ha ki, “To phin ïoh bun ki khun ki kti, ba ki khun ki ksiew jong phi kin sah ha kylleng ka pyrthei. 2Baroh ki mrad, ki sim, bad ki dohkha kin im ha ka jingsheptieng ïa phi. La buh ïa ki hapoh ka bor jong phi. 3Mynta phi lah ban bam ïa ki, kumjuh ruh ïa ki jingthung bajyrngam; nga ai ïa ki baroh ha phi ban long jingbam. 4#Leb. 7:26,27; 17:10-14; 19:26; Deut. 12:16,23; 15:23Kawei kaba phim dei ban bam ka long ka doh kaba dang don snam hapoh jong ka; nga khang pyrshah ïa kane namar ba ka jingim ka don ha ka snam. 5Lada uno uno u shim ïa ka jingim briew, yn pynshitom ïa u. Ngan pynshitom da ka jingïap ïa uno uno u mrad uba shim ïa ka jingim briew. 6#Eks. 20:13; Jen. 1:26Ïa ki briew la thaw ha ka dur jong U Blei hi, kumta uno uno uba pynïap ïa uwei na ki, u ruh un shah pynïap ha uwei pat.
7 #
Jen. 1:28
“To phin ïoh bun ki khun ki kti, ba ki khun ki ksiew jong phi kin sah ha kylleng ka pyrthei.”
8U Blei u ong ha u Noah bad ha ki khun shynrang jong u, 9“Mynta ngan pynlong ka jutang bad phi lem bad ki khun ki ksiew jong phi, 10bad baroh ki jingthaw ba-im — ki sim, bad ki mrad baroh — kat kiba la wan mih lang bad phi na kata ka lieng. 11Da kine ki ktien, nga pynlong ka jutang bad phi: Nga kular ba lano lano ruh ngan ym pynjot shuh ïa ki jingthaw ba-im da ka jingshlei um, da lei lei ruh ka jingshlei um kan ym pynjot shuh ïa ka pyrthei. 12Kum ka dak jong kata ka jutang baïaineh junom ïa kaba nga la pynlong bad phi lem bad ki jingthaw ba-im baroh, nga buh ïa ka ryntieh jong nga ha u lyoh. 13Kata kan long ka dak jong kata ka jutang jong nga bad ka pyrthei. 14Ha man ba nga tap ïa ka suiñbneng da u lyoh, bad ba u simpyllieng u paw, 15ngan kynmaw ïa la ka kular ha phi bad ha ki mrad baroh ba ka jingshlei um da lei lei ruh kan ym pynjot shuh ïa ki jingthaw ba-im baroh. 16Haba u simpyllieng u paw ha ki lyoh, ngan khmih ïa u, bad ngan kynmaw ïa ka jutang baïaineh junom hapdeng jong nga bad ki jingthaw ba-im baroh ha ka pyrthei. 17Kata ka long ka dak jong ka jingkular kaba nga la pynlong ha ki jingthaw ba-im baroh.”
U Noah bad ki khun shynrang jong u
18Ki khun shynrang u Noah kiba la ïawan mih na kata ka lieng ki long u Shem, u Ham, bad u Japheth. (U Ham u long u kpa jong u Kanaan.) 19Kine lai ngut ki khun u Noah ki long ki kpa tymmen jong ki briew baroh ha ka pyrthei.
20U Noah, uba long u nongrep, u long u briew uba nyngkong eh ban thung ka bri sohwaiñ. 21Hadien ba u la dih khyndiat ka waiñ, u la buaid, u law ïa la ki jaiñ bad u thiah lyngkhuit hapoh la ka ïingjaiñ. 22Haba u Ham, u kpa jong u Kanaan, u la ïohi ba u kpa jong u, u la lyngkhuit, u la mih shabar bad ïathuh ha la ki hynmen shynrang baroh ar ngut. 23Nangta u Shem bad u Japheth ki la shim kawei ka jaiñkup bad ki tawah ïa ka hadien jong ki ha la ka tyrpeng. Ki ïaid dadien shapoh ka ïingjaiñ bad ki tap ïa la u kpa, ki da phai dien khnang ba kin ym ïohi ïa u, ba u lyngkhuit. 24Ynda u Noah u la pyngngad, bad u la tip aïu u khun khatduh jong u, u la leh ïa u, 25u ong,
“Ka jingtim halor u Kanaan!
Un long u mraw ïa ki hynmen jong u.
26Ai ka jingïaroh ïa U Trai, U Blei jong u Shem!
U Kanaan un long u mraw jong u Shem.
27To U Blei un pynkhraw ïa u Japheth,
Ai ba ki khun ki ksiew jong u kin shong kin sah bad ki briew jong u Shem!
U Kanaan un long u mraw jong u Japheth.”
28Hadien kata ka jingshlei um, u Noah u la im sa laispah sanphew snem, 29bad u la ïap noh ha ka rta kaba khyndaispah sanphew snem.
Tans Gekies:
JENESIS 9: KHACLBSI
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Khasi CL Bible
Copyright © Bible Society of India, 2016.
Used by permission. All rights reserved worldwide.
