MIJAHEI 28
28
Apha Rakip a Neitōk hei
(Sōk 29.38–46)
1 Rōngpu’n Moses kha ṭong aleipek, 2ama malung tlaina pek-hlam kasōk thlai tōksōtna kha apha rakip a tōkna sik Israelhei ahri pekna sik a.
3 Rōngpu hneng thlai tōksōt sik hei kha hihei hi kae: ani kataia ro-inthoina tōksōt sik a, kum khat katluk jo nōrna kase kemōng chere 2 sik kae. 4Kemōng inkhat kha jîngkâra khana inhnina kemōng kha khōhleia tōk roh, 5inkhat et kha hmuchi inthoina olive thai kaṭhapen litre inkhat leh inhei jâmdi kilograme inkhat leh tōksa sik hei kae. 6Hivahi ani kataia ro-inthoina kha kae, khavakha Rōngpu tlaina marim katui thlai inthoina Sinai Tlânga ahma inkeipena le’ntōk a kae. 7Inkhatna kemōng chere kha leh vomhrui ju inthoina kha, maichâm chunga vomhrui ju kha litre inkhat sunthlōn roh. 8Khōhlei ting um 2 tlukna kemōng chere kha hiva kapōa vomhrui ju inthoina kha leh tōksa hei roh. Hivahi’m thlai tōksōtna inkhat kae, amarim kha Rōngpu tlaina kae.
Châmhngat ninga Neitōk
9Châmhngat kani ning chu, nōrna kase kum khat katluk jo kemōng chere 2, olive thai leh inhei jâmdi kilograme 2 kha hmuchi inthoina leh vomhrui ju inthoina leh tōk sik hei kae. 10Hiva ro-inthoina tōksōtna hi, ani kataia inthoina leh vomhrui ju inthoina chunga, châmhngat ning katai, tōksa sik kae.
Thla khat a Kani Hma-inkei ninga Tōksōt
11Thla rakip inphut ning Rōngpu hneng ro-inthoina tōksōt ruh: nōrna kase rōk sehrat chere 2, kemōngche 1, kum khat katluk jo hei kemōng chere 7. 12Hmuchi inthoina sik a, olive thlai leh inhei jâmdi tōk ruh: sehratche inkhat et leh jâmdi kilograme 3; kemōngche inkhat leh kilograme 2; 13khana kemōng chere inkhat et leh kilograme 1 tōk ruh. Hiva ro-inthoina tōksōt hei hi thlai inthoinahei kae, amarim kha Rōngpu tlaina kae. 14Vomhrui ju inthoina kadiktak khachu sehratche inkhat et a vomhrui ju litre 2, kemōngche inkhat litre 1 leh aṭim khana kemōng chere inkhat et a litre 1 akachang sik kae. Hivahi kum katlung bit a thla phutna kani ninga romanvâm tōkna dân sik kae. 15Ani kataia ro manvâm leh ju inthoina chunga khan, set-inthoina keche inkhat tōksa ruh.
Che philo Buhlom Rakan Kût Tōknahei
(Lev 23.5–14)
16 Rōngpu kajana Rakan Kût kha thla hma’nkei pena kanikhō 14 ning nit sik kae.#Sōk 12.1-13; Dân 16.1-2 17Kanikhō 15 tluk ning beklang tinga rehōi phut a ni 7 katlung hmang sik kae, hiva shunga che philo buhlom rōk sâk sik kae.#Sōk 12.14-20; 23.15; 34.18; Dân 16.3-8 18Revei hma-inkei ning nangni kamukna sik a’ntûp sik chei kae, khana ṭōn heite tlomak sik kae. 19Rōngpu hnenga thlai inthoina inkhat a ro-inthoina tōk ruh: sehrat chere 2, kemōngche 1, khan chu kum khat katluk jo kemōng chere 7, ankhenga nōrna kase akae sik hei kae. 20Ahlamtak a hmuchi inthoina, olive thai leh a’nhei jâmdi kha tōk ruh: sehratche inkhat et leh kilograme 3, kemōngche leh kilograme 2 21khana kemōng chere inkhat et leh kilograme 1 sik kae. 22Set-inthoina keche inkhat um tōksa ruh, hing’hin mipui sik a suk manthengna rōi kha tlosōt ruh. 23Hihei hi jîngkâr kataia ro-inthoina tōkna chunga tōksa hei ruh. 24Hiva kapōa, ni 7 shunga Rōngpu hnenga ama tlaina marim, thlai inthoina kha tōk ruh. Hivahi ani kataia ro-inthoina leh vomhrui ju inthoina chunga tōksa ruh. 25Ni 7 tluk ning kamukna sik a intûp ruh, ṭōn tlomak ruh.
Sakhôm Kût a Tōkna
(Lev 23.15–22)
26Sakhôm Kût hma-inkei ning, Rōngpu hneng thlaither nantōk pha, kamukna sik a a’ntûp sik chei kae, ṭōn heite tlomak sik kae.#Sōk 23.16; 34.22; Dân 16.9-12 27Rōngpu malung tlaina marim, ro-inthoina kha tlo ruh: sehrat chere 2, kemōngche 1, khana kum khat katluk jo kemōng chere 7, ankhenga nōrna kase rōk akae sik hei kae. 28Ahlamtak a hmuchi inthoina, olive thai leh manhei jâmdi kha tōk ruh: sehratche inkhat et leh kilograme 3, kemōngche leh kilograme 2, 29kemōng chere inkhat et leh kilograme 1 tōk sik kae. 30Khana set-inthoina keche inkhat um tōksa ruh, hing’hin mipui sik a mantheng sōtna rōi tlosōt ruh. 31Hihei seng hi leh ju inthoina kha ani kataia ro-inthôi tōksōtna leh hmuchi inthoina chunga tōksa hei ruh.
Tans Gekies:
MIJAHEI 28: KOMRBSI
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
