MIJAHEI 27
27
Zelophehad Sanuhei
1Joseph sapa Manasseh, Manasseh sapa Machir, Machir sapa Gilead, Gilead sapa Hepher, Hepher sapa Zelophehad, Zelophehad sanuhei kha Mahla, Noah, Hogla Milcah leh Tirza hei hi kae. 2Anmani Rōngpu omna Pōn-inn kot kunga Moses, Eleazar thempu, hlamkakeihei leh mipui hmaikunga kase heia vakangir heia anvati, 3“Kanpa’n sapa inkhatbek dahlon loa ram thōia leikathi jo. Ama kha Rōngpu dōina aleikatlo Korah kahnung aleikajui hei kâra inkhat changmak; ama bing set jâra aleikathi kae. 4Ama’n sapa aleinei mak jâra khan heisik a mo kanpa rahming kha Israelhei kâra a’nhmang sik? Kanpa sōpuihei leh in-anga karōi kha keini apek roh.”
5Moses’n anṭong kha Rōngpu ângshunga amathlung pek hei, 6Rōngpu’n ahnenga ati, 7“Zelophehad sanuhei tader kha akadik kae; karōi kha anpa sōpuihei kâra anmani’m pe hei roh. Anpa karōi kha anhnenga tlung rasoh.#Mj 36.2 8Israelhei kha manthei hei roh ti chu, ahei tik a pase inkhat sapa dahlon loa athi jo’nchu asanu he’n akarōi anta’nkhôm sik kae. 9Sanu aleinei mak inchu, asōpui he’n anta’nkhôm sik kae. 10Sōpui aleinei nôk mak jo’nchu apa sōpui he’n antakhôm sik kae. 11Sōpui leh pahngâk anei nôk mak jo’nchu a’nhnai puipen khan akhôm sik khana akarōi khet ângphunga amatu sik kae. Rōngpu ke’n ṭong kapek che kapōa, Israel he’n ahlam kasōk a hmangna dânhei hi antanit sik kae.”
Moses Kathlenga Joshua Kadeina
12 Rōngpu’n Moses hneng ati, “Abarim Tlânga ketou roh khana Israelhei kapek ram so vathlir roh.#Dân 3.23-27; 32.48-52 13Nava hmusō pha leh nasōpui Aaron kapōa, akathi sik jo che kae, 14ajârchu Zin ram thōia nan-inhnibât in kaṭong pek nanleidōia kae. Meriba a mipui he’n kakadōia anlei inphinlai karatha intheng kha anhmai kunga malârsōt sik leikada chei.” (Meriba hi Zin ram thōia Kadesh hmun a tuisi kapût inkhat kae.)
15Moses’n ader, 16“Hringkhō rakip jōng kōnna, Rōngpu Pathen, mipuihei hlam kakeitor sik leh 17#1 Rn 22.17; Eze 34.5; Mt 9.36; Mk 6.34rehmun a hlam kakeitor sik pase inkhat kadei pek hei roh, namipuihei hi ankakhem ka-om mak kemōng kapō anchang makna sik a.”
18 Rōngpu’n Moses hneng ati, “Akatlo tor pase, Nun sapa Joshua kha ṭhōi roh, alu chunga nakut 2 da roh.#Sōk 24.13 19Ama kha Eleazar thempu leh vaipui hma khan manngir roh, khana khan ankhenga hmaikunga ama kha nang kathlengpa jo kae tia phôngsōt roh. 20Naratha neina ṭhahrep kha ama pe roh, Israel mipui in aṭong anjui theina sik a. 21Ama kha, Urim leh Thummim kahmang Eleazar thempu hnenga in-ngai sik. Hing’hin Eleazar in Joshua leh Israel mipui kha antlona rakip a amanse sik hei kae.”#Sōk 28.30; 1 Sa 14.41; 28.6 22Moses’n Rōngpu ṭongpek dungjuia aleitlo. Ama’n Joshua kha Eleazar thempu leh mipui hma amanngir jo. 23#Dân 31.23Rōngpu ṭongpek dungjuia, Moses’n Joshua luchunga akut-hei adapek a ama kahlâng kathleng jo kae tia aphôngsōt jo.
Tans Gekies:
MIJAHEI 27: KOMRBSI
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
