MIJAHEI 12
12
Miriam Karâk a A-om
1Moses’n Kushit jōr inkhat a-ompui jo jâra Miriam leh Aaron in anhrimaset. 2Anmani’n anti, “Moses inphut rōk a mo Rōngpu’n ṭong ahri, eini hneng um ahri ri changmak mo?” Rōngpu’n anṭong hri kha athei jo. 3(Moses chu malung innem kae, raleichunga nun-innem rakip hei kakhea nun-innem kae).
4 Rōngpu’n manhret manloa Moses, Aaron khana Miriam hei hneng ati, “Nangni 3 kha ka-omna Pōn-inna hong ruh.” Anmani kase hei, 5Rōngpu kha sumtuk kacho shunga jōng kaṭum, Pōn-inn hlutna kot kunga kangir, khana ahei beksōt hei, “Eh Aaron! Miriam!” Anmani 2 kha anhmating inthon det hei, 6Rōngpu’n anhnenga ati, “Kaṭong hri sik hi tûn rangei ruh! Nankâra sânkathemhei an-om pha hmangtalâra anhnenga inlâr ri eng, anrahmanga ka’n bekpui ri hei. 7Kasōk Moses ka’n bekpui kha leh chu in-ang mak; ama chu kami Israel mipui rakip ka-ensui sik a kanganse kae.#He 3.2 8Khava jâra hmaichanga, inthengtak a, ṭong inthup omloa, ka’n bekpui kae; karavâng kapha hmen ahmu jo kae! Kasōk Moses dōina heikhonga mo ṭong nanta hri ngam?”
9 Rōngpu kha anchunga ahnuk kana jo; khanga asesōt pha 10Pōn-inn kha sumtuk khan adahlon jo. Miriam vun kha sōkphutrōia hong kaphâr joa kavur kapōa kachek jo. Aaron in amanu kha ahei-en pha, nat in akatōmbit jo kha ahmu pha, 11ama’n Moses hneng ati, “Apu, lungsettak a hiva kanmona setna sik a karâkna hi amanthōk mak roh. 12Amanu hi heikhat akathisa ajō’ntea, aravōi ṭhen khat a’nsâksō jo kapōa manchang mak roh.”
13Khava jâra Moses khan Rōngpu hneng ka-ônga ader, “Eh Pathen, amanu hi mandam roh.”
14 Rōngpu’n amasôn, “Apa’n amanu hmai aleimachi thlōn achang inchu khava inzakna kha ni 7 ade sik kae. Khava kapōa, amanu kha rephōr vângting Kani vekhat thaksōt ruh, khava sō leh nanheiṭhōi male thei sik.”#Mj 5.2-3 15Miriam kha ni 7 sik a rephōr vângting anthaksōt jo, amanu anheiṭhōi male mak kârseng, mipui kha le’nthonsōt mak hei. 16Khava sōa Hazeroth andahlona Paran ramhânga rephōr ansak jo.
Tans Gekies:
MIJAHEI 12: KOMRBSI
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
