HAGGAI 1:12-15

Die profeet Haggai het die boodskap van die HERE aan die mense oorgedra. Serubbabel, Jesua en al die mense wat in die land agtergebly het, het die boodskap van die HERE hulle God gehoorsaam. Hulle het toe in alle erns die HERE begin aanbid. Die HERE se boodskapper Haggai het toe hierdie boodskap van die HERE vir die mense gebring: “Ek is by julle, sê die HERE!” Hierdeur het die HERE die goewerneur Serubbabel en die hoëpriester Jesua, asook al die HERE se mense wat in die land agtergebly het, baie entoesiasties gemaak. Hulle het na die huis van die HERE, die Almagtige, hulle God gekom en daaraan begin werk. Dit was op 21 September, die tweede jaar wat Darius koning was.

Gratis leesplanne en oordenkings oor HAGGAI 1:12-15