EKSODUS 35:30-35

Moses het vir die Israeliete gesê: “Die HERE het Besaleël, die seun van Uri uit die Judastam gekies. God se Gees gee vir hom die verstand, die kennis en die vaardigheid vir die werk wat gedoen moet word. Hy kan voorwerpe maak uit goud, silwer en koper. Hy kan edelstene bewerk en dit monteer en ook houtsnywerk doen. Hy is in staat om enige kunswerk te maak. God het vir hom en Oholiab, seun van Agisamak uit die Danstam, die vermoë gegee om ander op te lei. Die HERE stel hulle in staat om graveerwerk, borduurwerk en weefwerk te doen met blou, pers en bloedrooi wol en linne.”