EKSODUS 14:29-31

Israel het egter op droë grond deur die middel van die see getrek, terwyl die water soos mure alkante van hulle gestaan het. So het die HERE Israel daardie dag van Egipte bevry. Die Israeliete het gesien hoe die lyke van die Egiptenaars op die strand uitgespoel het. Toe die Israeliete sien met hoeveel mag die HERE teen Egipte veg, het hulle respek gekry vir die HERE. Hulle het in Hom geglo en was oortuig dat Hy Moses gebruik om vir Hom te werk.