Gewilde Bybelverse vanaf SPREUKE 11

Deel

Die siel wat seën, word versadig; en hy wat laaf, word self ook gelaaf.

Daar is een wat ruim uitdeel en nog meer kry, en een wat terughou meer as wat reg is, maar tot sy gebrek.

Kom die vermetelheid, dan kom die skande, maar by die beskeidenes is wysheid.

As daar nie goeie oorleg is nie, val 'n volk; maar in die veelheid van raadgewers is redding.

Die vrug van die regverdige is 'n boom van die lewe, en hy wat siele win, is wys.

Die wat met kwaadsprekery omgaan, maak 'n geheim openbaar, maar hy wat betroubaar is van gees, bedek 'n saak.

'n Man wat 'n weldaad bewys, doen goed aan sy eie siel, maar 'n wreedaard pynig sy eie vlees.

Wie op sy rykdom vertrou, dié sal val; maar die regverdiges sal soos blare uitspruit.

Goed bring geen voordeel op die dag van die grimmigheid nie, maar geregtigheid red van die dood.

Die regskapenheid van die opregtes is vir hulle 'n leier, maar die valsheid van die ontroues vernietig hulle.

'n Goue ring in 'n vark se snuit, so is 'n vrou wat mooi is maar sonder beleid.

'N VALSE weegskaal is vir die HERE 'n gruwel, maar in 'n volle gewig het Hy behae.