Gewilde Bybelverse vanaf یُوحنّا 19

Deel

حُضُور عیسیٰ نے اُسے پیتے ہی، فرمایا، ”پُورا ہُوا“ اَور، سَر جھُکا کر جان دے دی۔

جَب، حُضُور عیسیٰ نے جان لیا کہ اَب سَب باتیں تمام ہویٔیں، تو اِس لیٔے کہ کِتاب مُقدّس کا لِکھّا پُورا ہو، آپ نے کہا، ”میں پیاسا ہُوں۔“

جَب حُضُور عیسیٰ نے اَپنی ماں کو، اَور اَپنے ایک عزیز شاگرد کو نَزدیک ہی کھڑے دیکھا، تو ماں سے کہا، ”اَے خاتُون، اَب سے آپ کا بیٹا یہ ہے،“ اَور شاگرد سے فرمایا، ”اَب سے تمہاری ماں یہ ہیں۔“ وہ شاگرد تَب سے، اُنہیں اَپنے گھر لے گیا۔

لیکن جَب حُضُور عیسیٰ کی باری آئی تو اُنہُوں نے دیکھا کہ وہ تو پہلے ہی مَر چُکے ہیں لہٰذا اُنہُوں نے آپ کی ٹانگیں نہ توڑیں۔ مگر، سپاہیوں میں سے ایک نے اَپنا نیزہ لے کر حُضُور عیسیٰ کے پہلو میں مارا، اَور آپ کی پسلی چھید ڈالی جِس سے فوراً خُون اَور پانی بہنے لگا۔

یہ ساری باتیں اِس لیٔے ہویٔیں کہ کِتاب مُقدّس کا لِکھّا قول پُورا ہو جائے: ”اُن کی کویٔی ہڈّی نہ توڑی جائے گی،“ اَور، کِتاب مُقدّس ایک اَور جگہ بَیان کرتی ہے، ”وہ حُضُور عیسیٰ پر جسے اُنہُوں نے چھید ڈالا نظر کریں گے۔“

حُضُور عیسیٰ اَپنی صلیب اُٹھاکر، کھوپڑی نامی جگہ کی طرف روانہ ہوئے (جسے عِبرانی زبان میں گُلگُتا کہتے ہیں)۔

اَور فَوج کے سپاہیوں نے کانٹوں کا تاج بنایا اَور آپ کے سَر پر رکھا اَور آپ کو سُرخ رنگ کا چوغہ پہنا دیا۔