Gewilde Bybelverse vanaf Louka 13

Deel

Oun o Yezous penas pale: “Krenn lauter, te djan an ko tikno voudar dren! Me penau t'menge: Boud kamenn an ko voudar dren te djal. Oun hayvenn kova gar.

Mank kol menshende his i djouvel, koya his deesh-te-orhta bersha nasselo. I beng, kay an late vas, kras lat bango. Oun yoy nay hadas pes gar pre. Har o Yezous lat dikas, das yob lat pash peste gole, oun penas ap late: “Romniya, tou hal kanna sasto.”

Oun yob čivas peskre vasta ap late. Koy hadas pes li pre, oun sharas o Debles.

Oun boud, kay kanna palla tardo hi, kolla hi ap ko dives glan tardo. Oun boud, kay kanna glan tardo hi, kolla hi ap ko dives palla tardo.”

Te stell o ray pral o kheer pre oun krell o voudar pandlo, palle han t'mer vin tardo, oun t'mer denn gole: Ray, kre menge o voudar pre! Oun ko ray penella: Me prindjrau t'men gar.

Na-a, penau me t'menge. Te moukenn t'mer gar t'maro čilačo drom, oun djan ap o Debleskro drom, palle venna t'mer lauter ninna yaake maredo.”

Koy penell yob ap t'mende: Me prindjrau t'men gar. Djan mandar, t'mer čilače!

Koy penas o Yezous ap lende: “Me penau t'menge kanna, har kova hi, te dell o Devel i menshen pash peste gole, te djan le ap leskro drom. Kova hi yaake: I morsh čivas i tikno senftikro djob an i phoub. Oun dran ko tikno djob vas i baro rouk. Oun i čirkle djivan ap leste.”