Gewilde Bybelverse vanaf Louka 14

Deel

“Koon pash mande vella, oun kamell peskro dades, peskri dat, peskri romyat, peskre čaven, peskre phralen, peskre phenyen, oun peskro djipen boudeder har man, kova nay vell gar miro maal.

Koon lell gar peskro troushel ap peste oun djal mantsa, nay vell gar miro maal.

Koon pes baro krella, koles sharell o Devel gar. Koon pes gar baro krella, oun penella: Me molau či, koles krell o Devel baro.”

Doleske penau t'menge: Kek t'mendar nay vell miro maal, te dell yob gar lauter pre, hoy les hi.”

Te kamell yek t'mendar i baro kheer te krell, hounte dikell lo, te hi les doha love. Te čivell lo nay kokres i telstoune barra, palle san i tsele menshe pral leste. Oun yon penenn: Ko morsh kamas i kheer te krell. Oun kanna nay krell lo les gar doureder.

Te kameh tou i baro rhapen te krell, palle le kol čorvelen pash toute pre, ninna kolen, kay bango hi, kolen, kay nashenn nay gar, oun kolen, kay korelo hi, oun de len te rhal! Te kreh tou kova, hal tou barhtelo! Kol menshe nay denn tout či pale. Te krell o Devel kol moulen djido, kay kran, hoy yob kamas, palle dell lo tout kova lauter pale, hoy tou lenge kral.”

“O loon hi mishto. Te nashras o loon peskri zoor, hi lo bouder gar mishto. Oun tou nay kreh bouder či, te vell lo pale londo. Ko loon molell či bouder. Tou nay vitsreh les krik. Lenn kova ap t'maro dji, hoy me t'menge penaua!”