Gewilde Bybelverse vanaf Genesis Genesis 17

Deel

Toe Abram nege en negentig jaar oud was, het die HERE aan Abram verskyn en vir hom gesê: Ek is die Almagtige God; wandel voor my aangesig en wees volmaak.

Jou naam sal ook nie meer Abram genoem word nie, maar jou naam sal Abraham wees; want 'n vader van baie nasies het Ek jou gemaak.

Ek sal my verbond oprig tussen My en jou en jou nageslag ná jou in hulle geslagte as 'n ewige verbond, om vir jou 'n God te wees en vir jou nageslag ná jou.

Wat my betref, kyk, my verbond is met jou, en jy sal 'n vader van baie nasies word.

En God het gesê: Jou vrou Sara sal waarlik vir jou 'n seun baar; en jy moet hom Isak noem, en Ek sal my verbond met hom oprig as 'n ewige verbond en met sy nageslag ná hom.

En Ek sal aan jou en jou nageslag ná jou die land gee waarin jy 'n vreemdeling is, die hele land Kanaän, as 'n ewige besitting; en Ek sal hulle God wees.

Toe val Abraham op sy aangesig en lag en sê in sy hart: Sal daar vir hom wat honderd jaar oud is 'n kind gebore word? en sal Sara, wat negentig jaar oud is, baar?

En God het vir Abraham gesê: Wat jou vrou Sarai betref, jy mag haar nie Sarai noem nie, maar haar naam moet Sara wees.

Julle moet die vlees van julle voorhuid besny; en dit sal 'n teken wees van die verbond tussen My en jou.

Maar my verbond sal Ek met Isak oprig wat Sara vir jou op hierdie vasgestelde tyd in die volgende jaar sal baar.

En hy wat agt dae oud is, moet onder julle besny word, elke manlike seun in julle geslagte, hy wat in die huis gebore is of met geld gekoop is van enige vreemdeling wat nie uit jou nageslag is nie. Hy wat in jou huis gebore is en hy wat met jou geld gekoop is, moet besny word; en my verbond sal in julle vlees wees as 'n ewige verbond.