Gewilde Bybelverse vanaf LUKAS 5

Deel

Sawa'u b̄a nggori teina, nggahi Sia d̄i la Simon, ”Karawe cad̄eipu, ro wurapu alamu d̄i wa'ukai uta.”

”Pak Guru,” cambe b̄a la Simon, ”sab̄ala ai madad̄oho karawi kapodamu ade, pala wati wara rakamu au-au! Pala b̄ara kaukai b̄a Ita, taho; mada d̄imawura ala wali.” Sawa'u b̄a siad̄oho karawina ede, siad̄oho mboto poda rakana uta sampe ala siad̄oho tampu'ura nci'ina.

Sawa'u b̄a ede Ruma Isa lao sambeana aka hid̄i ma lingi.

Nahu maiku laina d̄ima'ou dou-dou ma iu wekina wa'ura taho, malaisi dou-dou ma wa'ura dosa loakud̄u siad̄oho tobana rad̄i dosa-dosa siad̄oho.”

Wakatu eda b̄a la Simon ede, sia sujuna d̄itando Ruma Isa, edempara nggahina, ”Tu'u wi'ipu mada, Ruma! B̄ara mada dou madosa!”

Cambe b̄a Ruma Isa, ”Dou ma wati supu wati paraluna dokte; dou ma supumpa.

La Simon ro lengad̄ohona hintina sampa-sampa ede aka kengge ndano, sawa'u b̄a ede tu'u wi'i sara'ana, edempara b̄atuna Ruma Isa.

D̄isab̄ua ainaina, Ruma Isa wara d̄i sab̄ua kota. Ta aka wara sab̄ua dou mone, sarumbuna b̄ini b̄a supu ncola. Wakatu eda b̄a sia Ruma Isa, sia sujuna d̄itando-Na ro raho nembana, ”Pa, nggara ngawasi Ita, Ita maloaku kataho mada!” D̄ama b̄a Ruma Isa dou ede ro nggahina, ”Nahu ngawa, tahora!” Wakatu ede lalo supu dou ede mborana.

Pala haba mab̄oha Ruma Isa nanaha mbou rero, ro mboto dou mamai b̄a ne'ena ringa Sia ro siad̄oho ne'ena d̄ikataho wea supuna.